O‘zbekistonda koronavirucga qarshi qo‘llanilayotgan vaksinalar turi yettitaga yetdi. Kecha Rossiyadan mamlakatga 200 000 doza Sputnik Light vaksinasi keltirildi.
Foto: SSV
Sog‘liqni saqlash vazirligi matbuot xizmati xabariga ko‘ra, Sputnik Light bir komponentli vaksina bo‘lib, u bilan to‘liq emlanish uchun bir dozasini olish kifoya. O‘zbekistonga avvalroq ushbu vaksinaning 7 500 dozasi olib kelingan edi.
Shunday qilib, O‘zbekistonda foydalanilayotgan vaksina 48 036 368 dozani tashkil qilmoqda.
Ulardan: 2 404 480 dozasi AstraZeneca; 36 789 938 dozasi ZF-UZ-VAC2001; 1 341 790 dozasi "Sputnik V"; 3 000 060 dozasi Moderna; 2 316 600 dozasi Pfizer/BioNTech; 1 976 000 dozasi Sinovac; 207 500 dozasi Sputnik Light vaksinasidir. Shundan 35 610 274 dozasi emlash jarayonlarida qo‘llanilgan.
