- Klub miqyosida Özbekistonda barça sovrinlarni yutgan, klubdagi turli lavozimlarda işlab, MDH va Osiyoda eng barqaror va raqobatbardoş jamoalardan birini şakllantirgan;

- Özbekiston milliy jamoasi bilan jahon çempionati sari yurişini kutilganidan ham a’lo boşlab, rekord qayd etgan, muxlislarda işonç uyğotgan, keyin esa ketma-ket qoniqarsiz natijalar qayd etib, qisqa vaqt içida aynan öşa muxlislar nafratiga sabab bölgan;

- ÖFAning öşa paytdagi rahbariyati tomonidan futboldan bir umr çetlatilgan va Yurmalada qönim topgan;

- Özbekiston murabbiylari orasida Xitoy Superligasida boş murabbiy sifatida işlagan ilk legioner murabbiy;

- Toşkentning «Lokomotiv» jamoasida işlagan va endilikda «Navbahor» boş murabbiyi;

Bu tarjimai hol egasi, anglaganingizdek, Samvel Babayan. Köp yillar davomida sukutni afzal körgan mutaxassis nihoyat barça savollarga oydinlik kiritişga qaror qildi. Namanganda yangi mavsumga tayyorgarlik körayotgan murabbiy Tribuna.uz va Kun.uz muxbiriga eksklyuziv intervyu berdi. Intervyuda u milliy jamoaga daxldor köplab oğriqli savollarga javob berdi, faoliyati va ayni kunlardagi işlari haqida ham gapirdi.

«Navbahor» avtoritetga aylansagina, mahalliy yoşlar şu yerda qolişga intiladi»

- Har bir odamning öz orzulari bor. Men öz oldimga qöygan maqsadlarimga e’tibor bilan qarayman. Futboldagi ilk qadamlarimni Namanganda qöyganman. 1995 va 1998 yillarda Özbekiston kubogini qölga kiritganmiz, 1996 yilda esa çempion bölganmiz. Bu tarix, an’analar, bu ğalabalarda men jamoa bilan birga edim. 2019 yilda «Lokomotiv» boş murabbiyligidagi sönggi öyinlarimning biridan keyin men qaçondir albatta Namanganda işlaşimni aytib ötgandim. Öşa paytda aniq taklif va reja yöq edi, şunçaki öz istagimni aytgandim. Mana, men bugun şu yerdaman. Klub va viloyat hokimining ambitsiyalari bor va buni amalga oşiriş uçun şu yerdaman. Ilk muzokaralarimiz bir yil avval bölgandi. Biroq öşanda xorijdan takliflar borligi uçun aniq bir töxtamga kela olmagandik. Pandemiya tufayli xorijda işlaş imkoniyati yöqqa çiqdi. Oçiğini aytganda, hozir ham Xitoydan takliflar bor, aniqroq aytadigan bölsam, Superliga klubidan. Bu masalaga karantin çeklovlari olib taşlangaç yana qaytamiz, bu borada agent bilan kelişuvimiz bor. Hozir men «Navbahor» bilan kelişganman. Yarim yil bu yerda murabbiy yordamçisi bölib işladim, vaziyatni kuzatdim, örgandim va mana, vaqti keldi, boş murabbiyman.