Erdo‘g‘an Ukrainaga bordi
Erdo‘g‘anning tashrifi davomida Ukraina va Turkiya erkin savdo hududi to‘g‘risida kelishuv imzolashi kutilmoqda.
Turkiya prezidenti Rajab Toyyib Erdo‘g‘an Kiyevga bordi. U bu haqda Twitter sahifasida ma’lum qildi.
Erdo‘g‘anning qayd etishicha, u Ukraina prezidenti Vladimir Zelenskiyning taklifiga ko‘ra oliy darajadagi strategik kengashning 10-yig‘ilishida ishtirok etadi.
"Bu uchrashuvlar mamlakatlar uchun ham, mintaqa uchun ham yaxshi natijalar keltirishiga umid qilaman", - deb yozdi Turkiya prezidenti.
Uning qo‘shimcha qilishicha, Turkiya Ukraina duch kelgan muammolar va mintaqadagi keskinlikni diqqat bilan kuzatmoqda.
"Turkiya Qora dengiz bo‘yidagi mamlakat sifatida barcha tomonlarni bosiqlikka va mintaqadagi tinchlikni saqlash uchun muloqotga chaqiradi", - deya qayd etdi Erdo‘g‘an.
Rajab Toyyib Erdo‘g‘anning tashrifi davomida Ukraina va Turkiya erkin savdo hududi to‘g‘risida kelishuv imzolashi kutilmoqda.
Mavzuga oid
09:50
AQSh Ukraina uzra Rossiya raketalarini urib tushirishdan bosh tortganiga izoh berdi
08:30
Stoltenberg: Ukraina urush tugaguniga qadar NATOga qabul qilinishi mumkin
19:20 / 04.10.2024
Lukashenko Ukrainani qayta tiklashga yordam taklif qildi
11:40 / 04.10.2024