Andijon: Milliardlab sömlik xaridlarda manfaatlar töqnaşuviga yöl qöyganlar hamon lavozimda

Oçiq ma’lumotlarga köra, ikki amaldor öz joyida qolgan, biri lavozimidan ozod qilingan. Vaholanki, 2021 yil yanvar oyida Korrupsiyaga qarşi kuraşiş agentligi e’lon qilgan hisobotda ular tomonidan tender (tanlov)larda manfaatlar töqnaşuvi bölgani, tender jarayonini ötkaziş va tegişli hujjatlarni rasmiylaştirişda qator qonunbuzilişi holatlariga yöl qöyilgani tasdiqlangan edi.

Xususan, 2020 yil dekabr oyida ustav fondining 100 foiz uluşi Andijon viloyat qurilish boş boşqarmasi boşliği lavozimida işlayotgan Rustambek Hojiboyevga qaraşli bölgan “Ixtisoslashgan Shahrixon Qurilish” MÇJ Shahrixon tumanidagi 2 ta tuğuruq majmualarini rekonstruksiya qiliş böyiça 12,8 va 5,6 mlrd sömlik davlat buyurtmalarini qölga kiritgandi.

Rustambek Hojiboyev hamon Andijon viloyat qurilish boş boşqarmasi boşliği lavozimida işlayapti. Ayni vaqtda “Ixtisoslashgan Shahrixon Qurilish” MÇJning ta’sisçiligi boşqa şaxs (J.Matfozilov)ga ötgan.

2020 yilda yana bir mansabdor – “Qişloq qurilish invest” MÇJ IK Andijon filiali rahbari – Ravşanbek Jabborqulov tomonidan manfaatlar töqnaşuvi sodir etilgani ma’lum bölgandi.

Ravşanbek Jabborqulov va uning töğridan töğri qarindoşi Xayrullo Jabborqulovlar egalik qilgan “Xonobod Savdo Ravnaqi” MÇJ “Qişloq qurilish invest” MÇJ IK Andijon viloyat filialidan 3,2 mlrd sömlik, Andijon viloyati “Yagona buyurtmaçi xizmati” IKdan Qörğontepa tumanidagi boğçani rekonstruksiya qiliş böyiça 4,7 mlrd sömlik buyurtmalarni qölga kiritgan.

Ravşanbek Jabborqulov ayni vaqtda ham “Qişloq qurilish invest” MÇJ IK Andijon filiali rahbari lavozimida qolmoqda. Şuningdek, u “Xonobod Savdo Ravnaqi” MÇJning ta’sisçilari qatorida ham qolgan.

2020 yil dekabr oyida Kun.uz bilan suhbatlaşgan Ravşanbek Jabborqulov va Rustambek Hojiboyevlarning ikkalasi ham davlat xaridlari va buyurtmalariga doir işlarning barçasi qonun doirasida amalga oşirilganini bildirgan edi.

Yana bir mansabdor, Andijon viloyati hokimligi huzuridagi “Yagona buyurtmaçi xizmati” IK rahbari örinbosari Baxtiyor Qodirovning töğridan töğri qarindoşi, Mansurbek Qodirovning 100 foiz ta’sisçiligidagi – “Andijon ihlos qurilish” MÇJga ham yirik davlat buyurtmalari olib berilgan edi.

Uşbu korxona Inqirozga qarşi kuraş jamğarmasi mablağlari hisobidan taxminan 10,8 mlrd sömlik davlat buyurtmalariga mas’ul bölgan, soğliqni saqlaş tizimidagi qurilişlar böyiça budjetdan 3,2 mlrd sömlik, Paxtaobod tumanidagi ikkita köp qavatli uyni ta’mirlaş böyiça esa 26,5 mlrd sömlik tenderlarda “ğolib bölgan”.

Andijon viloyati hokimligi huzuridagi “Yagona buyurtmaçi xizmati” IK rahbarining sobiq örinbosari Baxtiyor Qodirov haqida oçiq manbalardan ma’lumot olişning iloji bölmadi.

Ma’lumot uçun, Korrupsiyaga qarşi kuraşiş agentligi tomonidan 2021 yil 13 fevral kuni Andijon viloyatida davlat xaridlariga oid huquqbuzarliklar böyiça e’lon qilingan hisobotda, mansabdorlar va ularning yaqinlariga tegişli qurilish korxonalari tomonidan davlat buyurtmalari qonun talablariga zid ravişda qölga kiritilgani tasdiqlangan edi.

Xususan, agentlik hisobotida quyidagi qonunbuzarliklar sodir etilgani bildirilgan:

• mansabdorlar va ularning qarindoşlariga qaraşli firmalarning tenderlarda ğolib bölgani;
• tanlov va tenderlarda affillanganlik holatlari;
• “Davlat xaridlari töğrisida”gi qonun va boşqa qonunosti normativ hujjatlar talablari buzilişi;
• qurilish materiallari narxlari notöğri qabul qilinişi natijasida qurilish obektlari loyihasi qiymati 9,4 mlrd sömga ortib ketgani;
• jami 4ta qurilish obektlarida 57,9 mln söm miqdorda sifatsiz işlar amalga oşirilgani;
• jami 4ta qurilish obektlarida 1 mlrd 486 mln sömlik işlar kam bajarilgani aniqlangan.

Şuningdek, 2021 yilning fevral oyida örganiş natijalari yuzasidan aybdor şaxslarga Jinoyat kodeksining 167-moddasi 3-qismi va 209-moddasi 1-qismi bilan jinoyat işi qözğatildi va tergov harakatlari boşlangan. Şundan söng, jamoatçilikka işning boşqa tafsilotlari oçiqlanmagandi.

Qarindoş-uruğçilik riştalari va korrupsiyaviy sxemalar orqali amalga oşirilgan davlat xaridlarining jamoatçilikdan sir tutilayotgan natijalari faqat şular emas. Jizzax viloyati hokimi Ergaş Soliyevning qizi Nargiza Saliyevaga tegişli firma 4 milliard sömga yaqin davlat buyurtmasiga ega çiqqani holatini prokuratura örganişni boşlagandi. Oradan qariyb 1 yil vaqt ötyapti hamki natijalaridan jamoatçilik bexabar.