O‘zbekistonga yanvarda 3 ta davlatdan 122 ta elektromobil import qilindi

O‘zbekiston yanvar oyida 122 ta elektromobil import qildi. Bu haqda Davlat statistika qo‘mitasi xabar bermoqda.

Foto: EPA

Qo‘mitaning dastlabki ma’lumotlariga ko‘ra, 2022 yilning yanvar oyida O‘zbekiston 3 ta xorijiy davlatdan qiymati 3,1 mln AQSh dollariga teng bo‘lgan 122 ta elektromobil import qilgan.

Qayd etilishicha, elektromobil importi 2021 yilning mos davriga nisbatan 70 taga oshgan.

Yanvar oyida O‘zbekiston quyidagi davlatlardan elektromobillarni import qilgan:

• Xitoy – 119 ta;
• Estoniya – 2 ta;
• Germaniya – 1 ta.

Avvalroq, O‘zbekistonda Volkswagen elektromobillarini ishlab chiqarish yo‘lga qo‘yilishi mumkin ekani xabar berilgandi.