Ahror Roziqov Rossiyada muhojirlikda yurgan kezlarida ğoz boqişga qiziqib qolgan. U Özbekistonga qaytib kelib parrandaçilik sohasida tadbirkorlikni boşlab yubordi.

“Yoşligimda uyda tovuq va ördak boqib yurganmiz. 2012 yilda Rossiyada işlab yurgan paytimda ğoz fermani körib inkubatorda ğoz oçirişni örgandim. 2015 yilda Özbekistonga qaytib kelganimdan keyin ğoz boqişni boşladim. Avval sinab köriş uçun 100 boş ğoz parvariş qildim. Hozirgi kunda katta ona ğozlarimiz bor. Ularning tuxumini inkubatorda oçiraman.

Inkubatorga qöyilgan tuxumlar 30-31 kunda jöja oçib çiqadi. Yiliga bitta ğozdan 50–60 ta, köpi bilan 80 tagaça tuxum olinadi. Ğozlar asosan tuxum va göşti uçun boqiladi. Katta ğozlarni boğimizda boqamiz.

Inkubatorda harorat va namlik doimiy nazorat qilib turiladi. Inkubatordan çiqqan jöjalarni 3-4 kun davomida don yeydigan darajaga kelguniça saqlab keyin mahalliy bozorlarda sotişni boşlaymiz”, – deydi u.

Yoş tadbirkor Özbekiston şaroitida ğoz boquvçilar kam deb hisoblaydi.

“Katta ğozlarni 100 mingdan 150 ming sömgaça sotyapmiz. Ğoz tuxumi narxi esa 8–10 ming atrofida. Jöjalarini 25 mingdan 30 ming sömgaça sotyapmiz. Ratsion böyiça yem tayyorlaymiz. Ğozlar asosan kök maysani sevib yeydi. Kökalamzorda yurgan ğozlarga yem ham kerak emas. Ular dondan köra kökatni yaxşi körişadi.

Ğozlar suvga ötlarni yeyiş va çömiliş uçungina tuşişadi. Katta ğozlarni göşti uçun ham sotib olişadi.

Uyimizda ğozlarni tez-tez söyib turamiz. Xaridorlar kelib kuygan yara-çaqalarni bitiriş uçun ğoz yoğini olib ketişadi.

Özbekiston şaroitida ğoz boşqa parrandalarga qaraganda kamligi uçun aynan ğoz boqamiz. Bozorga çiqsam sotiladigan tovuq va ördaklar köp. Lekin ğozni bitta men sotaman. Ğozni juda kamçilik boqadi”, – deydi u.