17:17 / 28.05.2022
10226
Туркия президенти Озарбойжонга борди

Бокуда Туркия ва Озарбойжон президентларининг олий даражадаги учрашувини ўтказиш режалаштирилган.

Фото: Picture Alliance

Туркия президенти Ражаб Тоййиб Эрдўған Бокуга ташриф буюрди. Ташриф Озарбойжон президенти Илҳом Алиевнинг таклифи билан ташкил этилди.

Эрдўғанга ташриф давомида рафиқаси Эмине Эрдўған, қатор вазирлар ва расмийлар ҳамроҳлик қилади.

Ражаб Тоййиб Эрдўған ташриф доирасида «TEKNOFEST-Озарбойжон» авиация, космонавтика ва технологиялар фестивалида қатнашди. 

Туркия президенти шунингдек, ASAN маркази ва Боку илмий маркази очилиш маросимида иштирок этади.

Бундан ташқари, Туркия ва Озарбойжон президентларининг олий даражадаги учрашувини ўтказиш режалаштирилган.

Top