Shols Putin qo‘ygan shartlarda tinchlikka erishish mumkin emasligini aytdi

Germaniya kansleri Olaf Shols Kremlning Rossiya Ukraina hududining bir qismini bosib olishi, keyin esa vaqt o‘tishi bilan o‘zgarishlarni kutishi haqidagi taxminini «Putin illyuziyasi» deb atadi. Germaniya Moskva tomonidan bir tomonlama o‘rnatilgan shartlar asosida «buyruq ostidagi dunyo»ni rad etadi, dedi kansler 16 iyun, payshanba kuni ARD telekanaliga bergan intervyusida.

Rossiya «Ukrainaning bir qismini shafqatsiz zo‘ravonlik bilan bosib olish» rejasidan va «mamlakatlar chegaralarini o‘zgartirish bo‘yicha imperialistik konsepsiyadan» voz kechishini ta’minlash kerak, dedi Shols. 

Teleboshlovchi Fransiya prezidenti Emmanuel Makronning Kiyevga tashrifi chog‘idagi nutqida Ukraina g‘alabasigacha Kiyevni qo‘llab-quvvatlash haqida gapirgani, Shols esa «Rossiya tomonidan o‘rnatiladigan tinchlikning imkonsizligini» e’lon qilganiga e’tibor qaratgan. Kansler bunday tinchlikka erishish imkoniyatini «Putinning illyuziyasi» deb atadi, u «yerni tortib olishi va vaqt o‘tishini kutishi mumkin» deb hisoblaydi. 

«Bu illyuziya va men Putinga aytdim. Rossiyaga qarshi sanksiyalar mamlakat Ukraina bilan adolatli kelishuvga erishmaguncha kuchda qoladi. Tinchlik shartlari Ukraina aholisi, parlamenti, prezidenti tomonidan ko‘rib chiqiladi», - dedi Shols. 

Germaniya kansleri Olaf Shols, Fransiya prezidenti Emmanuel Makron, Italiya bosh vaziri Mario Dragi va Ruminiya prezidenti Klaus Yoxannis 16 iyun, payshanba kuni urush boshlanganidan beri birinchi marta Kiyevga tashrif buyurdi. 

Irpenga safari yakunlariga ko‘ra, Shols yana bir bor Rossiya harbiy agressiyasining shafqatsizligini qoraladi va rus qo‘shinlarining «ma’nosiz zo‘ravonliklari» haqida gapirdi. «Begunoh fuqarolar o‘ldirildi, uylar vayron bo‘ldi. Umuman harbiy obektlar yo‘q bo‘lgan butun bir shahar vayron bo‘ldi. Bu Rossiya agressiyasining shafqatsizligi haqida ko‘p narsani aytadi, u shunchaki vayronagarchilik va zabt etish bilan izohlanadi», - dedi kansler. To‘rt nafar yetakchi Ukrainaga Yevropa ittifoqiga a’zolikka nomzod maqomi berilishi tarafdori bo‘lgan.