Ispaniyada 1950 yildan buyon kuzatilmagan rekord darajadagi harorat qayd etilmoqda. 17 iyun kuni Anduhar şahrida termometr körsatkiçi 44,3 darajaga çiqdi.
Aemet meteorologiya xizmatining ma’lumot berişiça, 18 iyun kuni Kataloniya, Navarra, Baskoniya va Andalusiyada harorat 40-42 darajani taşkil etdi. Madridda harorat 39 darajagaça kötarildi.
Ispaniyaning köplab hududlarida tunda ham harorat 20 darajadan pastga tuşmayapti. Jazirama sababli mamlakatda örmon yonğinlari yuz berdi. Rasmiy ma’lumotlarga köra, bir neça kun içida 25 ming gektar örmon yonib bitgan.
Fransiyada ham yuqori darajadagi harorat kuzatilmoqda. Météo France meteorologiya xizmatining bildirişiça, "mutlaq harorat rekordlari" qayd etilişi mumkin.
Germaniyaning ayrim hududlarida dam oliş kunlari havo harorati 34 darajadan yuqori bölişi kutilmoqda.
