Yevroittifoq Eron va AQShning yadroviy kelishuv bo‘yicha muzokaralarni tiklashiga yordam beradi. Bu haqda YeIning tashqi ishlar va xavfsizlik siyosati bo‘yicha oliy vakili Jozep Borrel ma’lum qildi.
Borrelning qayd etishicha, u Eron tashqi ishlar vaziri Husayn Amir Abdullohiyon bilan uchrashuvida AQSh bilan yadroviy kelishuv bo‘yicha muzokaralarni yaqin kunlar ichida tiklash borasida kelishuvga erishgan.
«Mening Tehronga tashrifimdan asosiy maqsad bitta – kelishuvlarga yangi turtki berish va yadroviy kelishuvni kerakli oqimga qaytarish», — dedi Borrel.
22 iyun kuni Rossiya tashqi ishlar vaziri Sergey Lavrov Eron rahbariyati bilan muzokaralar o‘tkazish uchun Tehronga borgandi.
U Eron prezidenti Ibrohim Raisiy va tashqi ishlar vaziri Husayn Amir Abdullohiyon bilan yadroviy kelishuv atrofidagi vaziyatni muhokama qildi.
