Gaz narxining oshishi haqidagi yangiliklar ko‘pchilik iste’molchilarni o‘ylantirib qo‘ymoqda – gazsiz va kamroq moliyaviy xarajat qilib, uyni issiqlik bilan ta’minlash mumkinmi? Tabiiy resurslar yildan yilga qimmatlashmoqda, binolarni isitishning tejamkorroq va innovatsion usullariga o‘tish vaqti keldi. Issiqlik nasosi nima, u qanday ishlaydi va an’anaviy isitish qozonlaridan afzalligi nimada – quyida tanishamiz.
Issiqlik nasosi nima?
Issiqlik nasosi – atrof-muhit (tuproq, suv yoki havo)dan tarqoq issiqlikni ajratib olib, uni uyingizdagi isitish konturi (issiq pol)ga o‘tkazuvchi qurilma. Boshqacha aytganda, konditsioner yoki sovitkich faoliyatiga o‘xshaydi, faqat teskari yo‘nalishda ishlaydi. Mutlaq qiymat bo‘yicha iste’mol qilinayotgan issiqlik quvvatiga berilayotgan quvvatning nisbati quvvat koeffitsiyenti deb ataladi. Issiqlik nasosi elektr tokida ishlaydi, lekin u freon xususiyatlari: yuqori issiqlik sig‘imi hamda issiqlikni tezda yutish va berish qobiliyatini hisobga olgan holda ishlangan.
Bir kVt elektr energiyasi, issiqlik nasosi va tashqi havo haroratidan kelib chiqib, o‘rtacha 4 kVt issiqlik beradi. Qiyoslash uchun – elektr isitish qozoni 1 kVt elektr energiya sarfida bor-yo‘g‘i 1 kVt issiqlik beradi, demak, issiqlik nasosida siz bir xil issiqlik miqdori uchun 4 baravar kam pul to‘laysiz!
Montajda devorga (yoki uning yoniga) gazli isitish qozoni o‘rniga issiqlik nasosining ixchamroq ichki blokini o‘rnatish va xuddi o‘sha isitish tarmog‘iga ulash kerak bo‘ladi. Uyning tashqarisida, uning yonida yoki devorga tashqi blok o‘rnatiladi. Issiqlik nasosi suvni 65 darajagacha isitadi, bu kondensatsiyaviy qozon ishchi harorati (57 Sdan past)dan ancha yuqori bo‘lib, radiatorli isitish uchun yetarli, suvda isitiladigan pollarni (T1/T2=40/30Sdaraja) ortiqchasi bilan ta’minlaydi. Qolaversa, issiqlik nasosi avtomatikasi yordamida radiatorlar va isitish pollarining isitish konturlarini boshqarish mumkin. Bir nechta radiatorni zamonaviy panelli fankoyllar bilan almashtirish mumkin – bu orqali xonaning kerakli hududini sozlamali isitish imkoniyatini qo‘lga kiritibgina qolmay, yoz issig‘ida salqinlik va qulaylikka ham ega bo‘lasiz. Bunda split-tizimlar kerak bo‘lmaydi. Qulaylik va yoqimli mikroiqlim yil davomida nazorat ostida bo‘ladi.
