O‘zbekiston musulmonlari idorasi Qurbon hayiti namozining o‘qilish vaqtlarini e’lon qildi. Ma’lum qilinishicha, ushbu jadvalda ko‘rsatilgan vaqtlar quyosh chiqqanidan keyin 15-20 daqiqalik farqni inobatga olib belgilangan.
9 iyul kuni O‘zbekistonda hayit namozi o‘qiladigan vaqtlar:
- Andijon viloyatida - 05:05
- Buxoro viloyatida - 05:35
- Jizzax viloyatida - 05:20
- Navoiy viloyatida - 05:30
- Namangan viloyatida - 05:05
- Samarqand viloyatida - 05:25
- Sirdaryo viloyatida - 05:20
- Surxondaryo viloyatida - 05:25
- Toshkent viloyatida - 05:15
- Toshkent shahrida - 05:20
- Farg‘ona viloyatida - 05:05
- Xorazm viloyatida - 06:00
- Qashqadaryo viloyatida - 05:30
- Qoraqalpog‘iston Respublikasida - 06:05.
Eslatib o‘tamiz, 1 iyul kuni imzolangan «Qurbon hayitini nishonlash to‘g‘risida»gi prezident qarorida O‘zbekiston musulmonlari idorasi Ulamolar kengashining Qurbon hayitining birinchi kuni 9 iyul – shanba kuniga to‘g‘ri kelishi to‘g‘risidagi axboroti inobatga olinib, Qurbon hayiti bayramini o‘tkazish chora-tadbirlari belgilangan edi.
Prezidentning avvalroq qabul qilingan farmoniga muvofiq, Hayit ayyomi munosabati bilan o‘zbekistonliklar uchun iyul oyida quyidagicha qo‘shimcha dam olish kunlari belgilangan.
- 9 iyul (shanba) – Qurbon hayiti bayrami;
- 10 iyul (yakshanba) – odatiy dam olish kuni;
- 11 iyul (dushanba) – barcha uchun qo‘shimcha dam olish kuni;
- 12 iyul (seshanba) – 6 kunlik ish haftasida ishlaydiganlar uchun qo‘shimcha dam olish kuni, 5 kunlik ish haftasida ishlaydiganlar uchun 16 iyul (shanba)dan ko‘chirilgan dam olish kuni.
