O‘zbekistonning Xitoyga gaz eksportidan daromadi ikki barobardan ko‘proqqa oshdi

Xitoy yanvar-iyun oylarida O‘zbekistondan 404 million dollarlik tabiiy gaz sotib oldi, deb yozadi TASS Xitoy bojxona xizmatiga tayanib.

2021 yilning birinchi yarmiga kelib, pul ko‘rinishida ushbu yo‘nalishda O‘zbekiston ko‘k yonilg‘isi eksporti 2,2 barobar oshdi. Yetkazib berishning jismoniy hajmiga aniqlik kiritilmagan.

O‘zbekiston Xitoy iqtisodiyotiga gaz quvurlari orqali gaz yetkazib beruvchi yetakchi beshta davlat qatoriga kirdi. Turkmaniston bu yerda katta farq bilan yetakchi bo‘lib qolmoqda va olti oyda 4,51 milliard dollarga gaz jo‘natgan, bu o‘tgan yilning shu davriga nisbatan 1,5 barobar ko‘pdir.

Ikkinchi o‘rinda sotuv hajmini qariyb uch barobarga oshirib, 1,65 milliard dollar daromad olgan Rossiya, uchinchi o‘rinda 616 million dollarga ega bo‘lgan Myanma joylashdi, Qozog‘iston esa 531 million dollar bilan to‘rtinchi o‘rinda.

Xitoy suyultirilgan gazni ham faol import qilmoqda. Ushbu ko‘rsatkich bo‘yicha Rossiya 2,15 milliard dollarga teng bo‘lgan 2,35 million tonna bilan to‘rtinchi o‘rinni egalladi. Rossiyadan suyultirilgan tabiiy gaz yetkazib berish 28,7 foizga oshdi, lekin yuqori narxlar tufayli uning daromadi 2,8 barobar ko‘tarildi.