2021 yilda Özbekistondagi örtaça oylik 2,7 mln söm bölgan - Statqöm

Axborot va aloqa sohasida örtaça oylik iş haqi 6,7 million sömga teng bölgan bölsa, taşiş va saqlaş sohasida – 4,6 million söm, sanoat sohasida – 4,5 mln söm, quriliş sohasida – 4,2 mln söm, savdo sohasida – 3,6 mln söm, ta’lim sohasida – 2,5 million söm. Eng past örtaça iş haqi soğliqni saqlaş va ijtimoiy xizmatlar körsatiş sohasida qayd etilgan – 2,4 million söm.

Ortib borayotgan tengsizlik

Iqtisodçi Mirkomil Xolboyevning yozişiça, oxirgi yillarda ta’lim va soğliqni saqlaş sohasida köplab özgarişlar qilingan bölsa-da, uşbu soha vakillarining maoşi boşqalariniki bilan taqqoslaganda sekin ösmoqda va yildan yilga tengsizlik ortib bormoqda.

“Taqqoslaş uçun, 2018 yilda (yanvar-iyun) ta’lim sohasida band bölgan xodimlarning iş haqi örtaça iş haqining qariyb 78 foizini taşkil etgan bölsa, bu körsatkiç 2022 yilga kelib 72,3 foizga pasaygan. Boşqaça aytganda, ta’lim sohasidagi örtaça xodim respublikadagi örtaça iş haqi oladigan odamga nisbatan kambağalroq bölib qolgan.

Agar individual sohalar bilan taqqoslasak, farq yanada jiddiy. Xususan, bank, suğurta, lizing, kredit va vositaçilik faoliyatida band bölgan xodimlarning oylik maoşi 2018 yilda ta’lim sohasida band bölgan xodimlarning örtaça maoşidan 2,44 barobar köproq bölgan bölsa, bu körsatkiç 2022 yilga kelib 3,54 barobargaça oşgan. Ya’ni bank va suğurta xodimlari yildan yilga ta’lim sohasi vakillariga nisbatan boyib bormoqda.

Xullas, potensial ta’lim sohasi xodimlari boşqa sohalarga ötib ketişiga katta stimul yaratib qöyilgan. Agar hozirgi tendensiya davom etsa, kelajakda ham potensial öqituvçilar boşqa sohalarni tanlaşda davom etadi”, deydi iqtisodçi.

“Özbekistonda örtaça oylik iş haqi 2,7 mln söm va bu haqiqiy körsatkiç”

Iqtisodçi Otabek Bakirovning ta’kidlaşiça, örtaça iş haqi miqdori deyilganda barça yuridik şaxslar xodimlarining daromadlari inobatga olinişi kerak.

“Statistika qömitasi nihoyat barça yuridik şaxslar böyiça örtaça oylik iş haqi miqdorini ma’lum qilmoqda. Bu miqdor 2021 yil yakuni böyiça 2 mln 662 ming söm.

Şu kungaça qişloq xöjaligi va kiçik tadbirkorlik sub’yektlari körsatkiçlari inobatga olinmagan holdagi respublika böyiça örtaça oylik iş haqi miqdori oçiqlab kelingan. Çunki iş haqi ança past bölgan bu segmentlar çiqarib yuborilsa, örtaça oylik iş haqi göyoki yuqoriroq körsatkiç bölib aks etgan.

Masalan, 1 iyul holatiga qişloq xöjaligi va kiçik tadbirkorlik sub’yektlari körsatkiçlari inobatga olinmagan holdagi örtaça iş haqi miqdori 3 mln 540,5 ming sömni taşkil etadi.

Bundan bu yoğiga özimizni özimiz aldamasdan örtaça iş haqi miqdori deyilganda 3 540,5 ming sömlik körsatkiç emas, 2 662,0 ming sömlik körsatkiç işlatilişi kerak. Şunda adolatdan böladi”, deydi u.

Statqöm hisobotida Mudofaa va Içki işlar vazirliklari, Davlat bojxona qömitasi, Davlat xavfsizlik xizmati, sud tizimi va prokuratura xodimlarining örtaça oylik iş haqi haqida ma’lumot berilmagan.