Oilaviy bog‘chada tarbiyalanuvchi davomatini yuritish identifikatsiya texnologiyasi orqali amalga oshiriladi

“Maktabgacha ta’lim sohasida davlat-xususiy sheriklik munosabatlarini zamonaviy raqamli texnologiyalar yordamida soddalashtirish to‘g‘risida”gi hukumat qarori qabul qilindi.

2022 yil 1 sentabrdan davlat-xususiy sheriklik asosida faoliyat yuritayotgan bog‘chalarda, oilaviy bog‘chalarda:

• budjetdan subsidiyalar xodimlar ishga kelib-ketishi hamda tarbiyalanuvchilar davomatidan kelib chiqib nodavlat maktabgacha ta’lim tashkilotlarini boshqarish axborot tizimida avtomatik hisoblab chiqiladi;
• xodimlar ishga kelib-ketishini hisobga olish hamda tarbiyalanuvchilar davomatini yuritish mobil ilova yordamida shaxsni biometrik identifikatsiya qilish texnologiyasi orqali amalga oshiriladi;
• hisobot oyida tarbiyalanuvchilar oylik davomati ro‘yxatga olingan tarbiyalanuvchilarga nisbatan 40 foizdan kam bo‘lganda, ushbu oy uchun budjetdan ish haqi to‘lanmaydi. 

Quyidagilarni nazarda tutuvchi nizomlar tasdiqlandi: davlat-xususiy sheriklik asosidagi bog‘chalarni tashkil etish uchun banklarga pul joylashtirish tartibi; nodavlat bog‘chalarga budjetdan subsidiyalar va kompensatsiyalar to‘lash tartibi; oilaviy bog‘chalar to‘g‘risida; kechki smenada xotin-qizlar ishlaydigan tashkilotlardagi bog‘chalar tarbiyachilari ish haqini qoplash uchun budjetdan kompensatsiya ajratish tartibi; nodavlat bog‘chalarni boshqarish axborot tizimi va “Elektron hukumat” tizimi idoralararo integratsiyalashuv platformasi o‘rtasida o‘zaro almashiladigan ma’lumotlar ro‘yxati.