Muloqotda parlamentlararo aloqalarni kengaytirish, siyosiy, savdo-investitsiya, akademik va madaniy-gumanitar sohalardagi muloqotni ikki davlat darajasida ham, kongressmenlar vakili bo‘lgan Missisipi va Illinoys shtatlari bilan ham chuqurlashtirishga e’tibor qaratildi.
Kongress vakillar palatasidagi «O‘zbekiston bo‘yicha kokus» faoliyati muhokama qilindi. Kokus tarkibi O‘zbekiston bilan strategik sheriklikni tizimli rivojlantirishni har tomonlama qo‘llab-quvvatlaydigan istiqbolli amerikalik qonun chiqaruvchilar hisobiga kengayib borayotgani ta’kidlandi.
Kongressmenlar O‘zbekistonda amalga oshirilayotgan ijtimoiy-iqtisodiy islohotlarni qo‘llab-quvvatlash yuzasidan choralarni ko‘rishga tayyorligini bildirdi.
Afg‘oniston masalasida fikr almashildi. Tomonlar ushbu mamlakatdagi murakkab gumanitar vaziyat oldini olish bo‘yicha o‘zaro hamkorlik qilishga tayyor ekanini bildirdi.
Uchrashuvda ikki tomonlama kun tartibi dolzarb masalalari, mamlakatlar xalqaro tashkilotlar doirasidagi aloqalari ko‘rib chiqildi.
