Tanişuv: Arboblarni tarbiyalagan Iqtisodiyot universiteti

Buyuk Britaniyaning 17 ta nufuzli oliy ta’lim muassasalaridan iborat bölgan London universiteti federatsiyasi Kengaşi Toşkent davlat iqtisodiyot universiteti bilan hamkorlikda yölga qöyilgan mazkur dasturni ma’qullab, unga ISEF nomi bilan yuritiluvçi özining tan olingan Özbekistondagi xalqaro qöşma ta’lim dasturi maqomini bergan. Bunda akademik rahbarlik LSE – London School of Economics and Political Science tomonidan amalga oşiriladi. Qöşma ta’lim dasturi bitiruvçilari Toşkent davlat iqtisodiyot universiteti va London universiteti diplomlariga ega böladilar.

Mazkur qöşma ta’lim dasturida öqiş davomiyligi 4 yilni taşkil etib, talabalar birinçi öquv yilida Foundation bosqiçida tahsil olişadi.

Ta’limning 2-, 3-, 4-öquv yillarida talabalar LSE akademik raxbarligi asosida UoL dasturlari böyiça öqitiladi. 1-bosqiçni muvaffaqqiyatli tamomlagan talabalar öqişlarini ikkinçi bosqiçdan quyidagi yönalişlar böyiça davom ettirişlari mumkin:

• buxgalteriya hisobi va moliya (BSc Accounting and Finance);
• bank işi va moliya (BSc Banking and Finance);
• iqtisodiyot (BSc Economics).

Ahamiyatlisi şundaki, 1-bosqiçni tamomlaganda beriladigan maxsus diplom bilan talabalar ISEF qöşma dasturi yönalişlaridan taşqari Buyuk Britaniya hamda Evropaning boşqa universitetlari bakalavr bosqiçida ham tahsil olişlari mumkin.

Ma’lumot sifatida aytiş kerak, London iqtisodiyot va siyosiy fanlar maktabi nufuzli oliy ta’lim muassasasi sifatida Times Higher Education xalqaro reytingida 27-örinni egallab kelmoqda. QS xalqaro reytingida ijtimoiy fanlar va menejment böyiça dunyoda 2-örin, buxgalteriya va moliya yönalişi böyiça dunyoda 4-örinni, iqtisodiyot va ekonometrika yönalişi böyiça esa 6-örinni egallaydi. Şuningdek, QS Evropa reytingida ijtimoiy fanlar va menejment, buxgalteriya va moliya hamda iqtisodiyot va ekonometrika yönalişlari böyiça 1-örinda turadi.

Karera markazi, Akademik registrator ofisi va boşqalar

Universitetda talabalar uçun barça şaroitlar yaratilgan. Ularning sifatli ta’lim olişi uçun jami 213 ta auditoriya barça kerakli va zamonaviy jihozlar bilan ta’minlangan. Talabalarga tez, sifatli va şaffof xizmat körsatiş maqsadida Akademik registrator ofisi taşkil etilgan. U talabalar bilan işlaş bölimi hamda qabul jarayoni va talabalar registratsiyasi bölimlaridan iborat. Mazkur ofisda talaba va magistrlarga akademik transkript, tölov şartnoma qoğozi kabi ma’lumotnomalarni taqdim etiş, öqişini köçiriş, qayta tiklaş, öqişdan çetlaştiriş, akademik ta’til, diplom (dublikat) oliş va şunga öxşaş 30 dan ortiq xizmatlar amalga oşiriladi.

Universitetda Karera markazi ham mavjud bölib, uning asosiy vazifasi talabalarning şaxsiy ösişi va malakasini oşirişda yordam berişdan iborat. Xususan, har yili TDIUda Karera kuni ötkazilib, bu orqali talabalar öz mutaxassisligiga köra yaxşi iş bilan ta’minlanadi.

Bundan taşqari, oliygoh 425 öringa ega, 5/9 metr hajmdagi LED-monitor bilan jihozlangan anjumanlar saroyi, 200 örinli siğimdagi faollar zali, Xitoyning ZTE kompaniyasi bilan hamkorlikda taşkil yetilgan interaktiv va innovatsion smart-room, umumiy hisobda 800 mingga yaqin adabiyotlarga ega kutubxona, ARMAT elektron dasturiy bazasi şakllantirilgan 2000dan ortiq darslik va öquv qöllanmalarning elektron katalogi, şuningdek,12 mingga yaqin nusxadagi çet ellardan keltirilgan adabiyotlar mavjud bölgan Axborot-resurs markazi bor.

Webometrics agentligi reytingiga köra, respublika OTM lari orasida 3-örinni yegallagan, Times Higher Education WUR körsatkiçi böyiça "Reporter" va Impact Ranking 2021 körsatkiçi böyiça Top-1001+ maqomiga ega “Universitet 3.0” xalqaro, öquv, ilmiy-innovatsion tadqiqotlar markazi faoliyat yuritmoqda.

Şuningdek, 5 ta sektordan iborat “Özbekiston iqtisodiyotini rivojlantirişning ilmiy asoslari va muammolari” tadqiqot markazi, 2020 yilda taşkil etilgan “Young Entrepreneurs Generator” biznes-inkubatori, 2ta xalqaro, 4ta mahalliy tanlovlarda va 3ta grant loyihalarda muvaffaqqiyatli iştirok etgan “Digital economy” inkubatsiya markazi ham TDIU qoşida taşkil etilgan.

Universitet “Bank va moliya” innovatsion ilmiy-amaliy taqdiqot markazi, “Raqamli transformatsiya” öquv-ilmiy laboratoriyasi, “Turizm va xizmat körsatiş”, “Buxgalteriya hisobi va suğurta işi”, “Statistika” ilmiy-amaliy laboratoriyalariga ham ega.

2020 yil yakuniga köra, Toşkent davlat iqtisodiyot universiteti “The Impact Rankings 2021” xalqaro reytingining asosi hisoblangan BMTning 17 ta Barqaror rivojlaniş maqsadlari (Sustainable Development Goals) yönalişlarining barçasida iştirok etdi. Bunda oliygoh dunyoning 94 ta mintaqa va davlatlaridan qatnaşgan 20 mingga yaqin OTM lar orasida Top-1000 talikdan örin oldi.

Reklama huquqi asosida