Bayram munosabati bilan pensiyalar kartaga oldindan yuklab beriladi

Pensiya jamg‘armasi sentabr oyi uchun pensiya va nafaqa to‘lov qaydnomalarini avgust oyida shakllantirdi hamda pensiya va nafaqa to‘lovlarini boshlash uchun yetarli mablag‘larni 1 sentabrga qadar tijorat banklariga moliyalashtirib beradi.

Foto: Kun.uz

Jamg‘arma xabariga ko‘ra, pensiya va nafaqa to‘lovlarini naqd pulsiz (bank karta) shaklda oluvchi fuqarolar joriy yil sentabr oyi uchun pensiya va nafaqalari 2022 yil 1 sentabrga qadar ular bank plastik kartalariga yuklab beriladi.

Pensiya va nafaqa to‘lovlarini naqd shaklda oluvchi fuqarolarga joriy yil 5 sentabrdan boshlab tasdiqlangan grafiklar asosida to‘lovlar boshlanadi.

Ma’lumot uchun, O‘zbekiston davlat mustaqilligi 31 yilligini munosib nishonlash maqsadida joriy yil 1-4 sentabr kunlari dam olish kuni deb belgilangan.