Ukraina Rossiya bosqiniga qarşi mudofaa uçun Amerika qurollaridan muvaffaqiyatli foydalanar ekan, Qöşma Ştatlar uçinçi davlatlardan ularga köproq sörovlar olmoqda. Gap Ukraina Qurolli kuçlari tomonidan Rossiya öq-dori omborlari va boşqa obektlarga qarşi muvaffaqiyatli qöllanilayotgan yuqori texnologiyali HIMARS yalpi öt oçiş reaktiv tizimlari haqida ketyapti, deb ma’lum qildi Pentagon 9 sentabr, juma kuni.
AQŞ mudofaa vazirining xaridlar va texnik xizmat körsatiş böyiça örinbosari Bill Laplant jurnalistlarga idora Ukrainaga yuborilgan qurol-yaroğ zaxiralarini zudlik bilan töldirayotganini aytdi. Uning sözlariga köra, bu borada mudofaa kompaniyalari bilan 1,2 milliard dollarlik şartnomalar tuzilgan. Şu bilan birga, uşbu mablağning yarmidan köpi - 624 million dollar - Stinger raketalarini sotib olişga, yana 352 millioni - Javelin tizimlarini sotib olişga va 33 millioni - HIMARS tizimlarini almaştirişga yönaltirildi. Umuman olganda, AQŞning mavjud harbiy zaxiralaridan olib taşlangan va Ukrainaga yuborilgan qurollarni 7 milliard dollarga almaştiriş rejalaştirilgan.
Laplant ta’kidlaşiça, Pentagon mudofaa sanoati bilan işlab çiqariş quvvatlarini kengaytiriş böyiça işlamoqda, bu ham AQŞ ehtiyojlarini qondiriş uçun, ham boşqa mamlakatlardan AQŞ qurollari söroviga javoban amalga oşirilyapti. Kongress joriy yilda Ukrainaga yuborilgan qurollarni almaştiriş uçun jami 12,5 milliard dollar ajratdi, uning bir qismi kompaniyalar işlab çiqarişni kengaytirişi yoki tezlaştirişi uçun mudofaa sanoatiga sarmoya kiritişga yönaltiriladi.
Ayrim hollarda işlab çiqariş quvvatini oşirişning oson yeçimlari bor, biroq boşqalarida köproq ijodkorlik talab etiladi, dedi AQŞ mudofaa vaziri örinbosari. Xususan, Stinger raketalarini işlab çiqarişni qayta tiklaşda Pentagon kompaniyalardan eskirgan qismlarni almaştiriş uçun muqobil variantlar topişni söradi, dedi u.
Laplante sentabr oyi oxirigaça NATOga a’zo davlatlar va harbiy xaridlar böyiça mas’ul boşqa bir qator davlatlar rasmiylari bilan uçraşişini aytdi. Uçraşuvlarda ta’minot zanjirlari bilan boğliq muammolarni hal qiliş va qurol işlab çiqarişni köpaytiriş masalalari körib çiqiladi.
Pentagon rahbari Lloyd Ostin 8 sentabr kuni Germaniyadagi «Ramştayn» Amerika harbiy bazasida bölib ötgan Ukraina böyiça aloqa guruhi yiğilişida prezident Jo Bayden Kiyevga 675 million dollarlik yangi harbiy yordam paketini ma’qullaganini aytdi. «Bu - ötgan yil avgust oyidan beri Bayden ma’muriyati tomonidan AQŞ zaxiralaridan Ukrainaga 20-paketning jönatilişi», dedi Ostin. Yangi harbiy yordam paketiga 155 millimetrli gaubitsalar, GMLRS aniq boşqariladigan reaktiv snaryadlar va artilleriya öq-dorilari kiradi, dedi u.
