Davlat chegarasini qo‘riqlash huquqiy asoslari mustahkamlanadi

Yig‘ilishda “Davlat chegarasi to‘g‘risida”gi qonun loyihasi ikkinchi o‘qishda muhokama qilindi. 10 ta bob va 72 ta moddadan iborat qonun loyihasida davlat chegarasini o‘tkazish punktlari orqali kesib o‘tayotgan jismoniy shaxslar huquq va majburiyatlari belgilanmoqda, davlat chegarasini qo‘riqlash va himoya qilishda qurol-yarog‘, harbiy texnika, maxsus vositalar, jismoniy kuch va xizmat hayvonlarini qo‘llash tartibi o‘z aksini topgan. Davlat chegarasi rejimi, davlat chegarasi rejimini buzish tushunchalari, uning tasniflanishi va turlari belgilanmoqda.

Qonun loyihasi qabul qilinishi O‘zbekiston davlat chegarasini ishonchli qo‘riqlash va himoya qilishga, O‘zbekiston vazirlik va idoralar davlat chegarasidagi vakolatlarini tizimli ravishda belgilab berilishiga xizmat qiladi.

Ko‘rib chiqilgan masala muhokama qilinib, yakunda fraksiya tegishli qarori qabul qilindi.