Bir necha kun oldin Chempionlar ligasidagi keskin o‘tgan o‘yin «Manchester Siti»ni katta kuch sarflashga majbur qilgandi, ammo jamoa futbolchilari bo‘shashishmadi va g‘alabali yurishni davom ettirdi. Fodendan tovon bilan pas, De Breynedan kross va Grilish 1-daqiqadayoq hisobni ochdi.
Keyin esa Holand navbatdagi golini urdi — bu uning chempionatdagi 10-goli bo‘ldi. Bu safar norvegiyalik hujumchi jarima maydonidan tashqarida turib to‘pni darvoza burchagiga yo‘lladi va yana bir ko‘rsatkich bilan tarixga kirdi. Bu safar APLda ilk mavsumida dastlabki to‘rtta safar o‘yinida gol urgan futbolchi sifatida. Bundan tashqari, u «Zalsburg»dan ketganidan buyon o‘tkazilgan 99 rasmiy o‘yinda urgan gollari sonini 100 taga yetkazib qo‘ydi.
Shundan keyin «shaharliklar» o‘yin tempini pasaytirishdi. Aniqrog‘i bu 33-daqiqada Kollinz maydon markazida butsasining ostki qismi bilan Grilishga tashlangan va «Vulverhempton»ni kamchilik bo‘lib qoldirganidan keyin ro‘y berdi. Va faqat 70-daqiqa arafasida, o‘yinda 70 yil mamlakatni boshqargan qirolicha Yelizaveta II hurmatiga to‘xtalish bo‘lishidan oldin Foden hisobni yirik ko‘rinishga keltirdi - unga APLda 150-bor samarali ko‘rsatkich qayd etgan De Bryuyne (58 gol va 92 pas) uzatma berdi. Belgiyalik futbolchi golli uzatmalar soni bo‘yicha Stiven Jyerrardning natijasini takrorladi.
Xosep Gvardiola jamoasi ochkolari sonini 17 taga yetkazgan holda, kamida «Arsenal»ning (15 ochko) yakshanba kungi o‘yini yakuniga qadar turnir jadvalini boshqarib turadi.
Londonda kunning oxirgi o‘yini gollarga boy bo‘ldi, «Tottenhem» avvaliga Sanchesning tushunarsiz harakati tufayli tezkor gol o‘tkazib yubordi. Lloris Tilemansning penaltisini qaytargandi, ammo u zarba berilishi arafasida darvoza chizig‘idan oldinga chiqib ketgandi, belgiyalik futbolchi esa ikkinchi urinishda adashmadi. Faqat «Lester» futbolchilari xursandchilik qilishga ulgurmasidan «shporlar» burchak zarbasidan keyin hisobni tenglashtirishdi, Keyn Kulushevskining uzatmasini golga aylantirdi.
«Tottenhem»ning standart vaziyatlari — har qanday raqib uchun dahshatga aylanmoqda. «Tulkilar»ning ham bu borada omadi kelmadi, Dayyer navbatdagi burchak to‘pidan keyin boshi bilan darvozani ishg‘ol qildi, uning yana bir goli inobatga olinmadi, keyinroq Sanchesning kuchli zarbasini Uord to‘sin ostidan tepaga chiqarib yubordi. Bularning bari mehmonlar taslim bo‘lmasligiga imkon berdi va bo‘lim oxirlarida Meddison qanotdan uzatilgan to‘pni to‘xtatmay darvozaga aniq yo‘lladi. Ammo barchasi o‘yinning borishiga mos ravishda yakunlandi — «Lester» qatorasiga olti o‘yinda mag‘lubiyatga uchradi, londonliklar esa turnir jadvalida «Man Siti» bilan tenglashib oldi.
«Shporlar» muvaffaqiyatini Bentankur ta’minladi. Urugvaylik futbolchi raqibdan to‘pni olib qo‘yib, avvaliga jarima maydoni tashqarisidan kuchli va aniq zarba yo‘llab, jamoani hisobda oldinga olib chiqdi, keyin tashabbus mehmonlarga o‘tgandek ko‘ringan vaziyatda yana bir bor to‘pni raqibdan olib qo‘yib, zaxiradan o‘yinga qo‘shilgan Son Xin Minning birinchi golini tashkillashtirdi. O‘yinning so‘nggi yarim soatida tushirilgan koreyalik forvard uzoqdan darvozaning yuqori chap burchagini aniq nishonga olib, turning eng chiroyli gollaridan biri muallifiga aylandi. So‘nggi ikki mavsumda 40 ta gol urgan futbolchi joriy mavsumda gollar hisobini ochdi va yelkasidagi og‘ir yukdan xalos bo‘ldi.
Chiroylilikda birinchi golidan qolishmaydigan ikkinchi goli urildi, keyin uchinchisi. Hakam uchinchi goldan keyin Sonning oldida turib o‘yindan tashqari holat ehtimolini VAR orqali tekshirdi va maydon markazini ko‘rsatdi. Bu hujumchining APLdagi uchinchi het-trigi (bunday ko‘rsatkich bo‘yicha u Krishtianu Ronalduga yetib oldi) va endi Konte bu yulduzli futbolchisini zaxira o‘rindig‘ida qoldirishi qiyin bo‘ladi.
«Bavariya»dan uchralgan mag‘lubiyatdan keyin (bu «Barselona» uchun mavsumdagi birinchisi bo‘lgandi), ko‘k-anorranglilar la liganing so‘nggi o‘rinda turgan jamoasini qabul qildi, qolaversa o‘yinning 14-daqiqasidan boshlab bir kishi ko‘p bo‘lib o‘ynadi. «Elche»ni sardor Verdu qiyin ahvolda qoldirdi, u birga-bir vaziyatga chiqib borayotgan Levandovskini gazonga qulatgach, maydondan chetlatildi. Polshalik mergan esa baribir o‘yinda muvaffaqiyatga erishdi - bo‘lim davomidagi hujumlardan birida Baldening ideal uzatmasini bo‘sh qolgan darvozaga joylab qo‘ydi.
Asosiy tarkib uchun Jordi Alba bilan raqobat qilayotgan 18 yoshli chap qanot himoyachisi bo‘lim oxirida Depay uchun ham bir gol tashkillashtirib berdi. Adolat uchun aytish kerakki, niderlandiyalik futbolchi ham shedevr ijro namoyish etdi: u to‘pni o‘ziga bo‘ysundirishda fint ishlatib, himoyachining ortiga o‘tdi va to‘pni kuchli zarba bilan darvoza to‘riga mixladi. Bo‘lim oxirida Pedrining goli ofsayd tufayli bekor qilinishi amalda hech narsani o‘zgartirmadi, masala yakunda tabloda qanday hisobdagi g‘alaba yonib turishida qolgandi.
Raqamlar «Elche» uchun u qadar dahshatli tus olmadi. Levandovski ikkinchi bo‘lim boshida dublni rasmiylashtirib, ko‘k-anorranglilar safidagi gollari sonini o‘ntaga yetkazib qo‘ydi. La ligada «Bavariya» yo‘q, «Barsa»ning yirik hisobli g‘alabalar seriyasi besh o‘yinga yetdi. Hozirda «Rayo Valekano» birinchi turda katalonlar bilan golsiz durang qayd etganiga ishonish qiyin.
Germaniya: Dortmund foydasiga derbi va Roysning jarohati
So‘nggi vaqtlarda «Bavariya» o‘yinida Oktoberfest bayramlari arafasida murakkabliklar yuzaga kelmoqda. Avvalgi olti turdan to‘rt bor yutqazgan «Augsburg» va bu mavsumda duranglar virusiga chalingan (so‘nggi uch o‘yinda «Borussiya», «Union» va «Shtutgart» bilan durang natijalar qayd etildi) «Bavariya» o‘yinida har qanday hodisani kutish mumkin edi. Mezbonlar birinchi bo‘limdayoq ikkita golli vaziyatga ega bo‘lishdi, mehmonlar safida esa Mane va Sane qulay vaziyatlarni yo‘qqa chiqardi.
Ikkinchi bo‘limda esa «Bavariya» oddiy vaziyatda gol o‘tkazib yubordi. Maydon markazi yaqinida standart vaziyat ijro etilishi, Yago jarima maydoni hududiga to‘pni tashlab berishi, u yerda esa hech qanday qarshilikka uchramagan Berisha vaziyatdan foydalanishi. O‘yin oxirida chempionlarni Noyyer qutqarishi mumkin edi, u burchak zarbasi ijro etilganida raqib jarima maydoniga yetib borib, boshi bilan zarba berdi, ammo mezbonlar darvozaboni Gikevich qahramonlik ko‘rsatib, ampluadoshining zarbasini qaytardi.
Guardiola se planteó la posibilidad de poner a Manuel Neuer como volante central en un partido. Hoy el arquero se probó de delantero en el cierre vs. Augsburgo.pic.twitter.com/S2Yc09BC9N
Mavsumni uch yirik g‘alaba bilan boshlagan (to‘plar nisbati 15:1) Yulian Nagelsmann jamoasi uch durangdan iborat seriya qayd etdi, endi esa mag‘lubiyatga ham uchradi. Chempionlar ligasida esa ishlar yaxshi ketmoqda, «Bavariya» «Inter» va «Barselona»ni mag‘lub etgan. Yakshanba kuni «Frayburg» va «Union» o‘rtasida turnir jadvalidagi peshqadamlik uchun jang bo‘ladi.
«Augsburg» Germaniya chempionati uchun rekord bo‘lgan seriyani to‘xtatdi - «Bavariya» 2020 yil fevralidan buyon o‘tkazilgan 87 o‘yinni golsiz tark etmagandi. O‘tgan safar myunxenliklarning bunday seriyasi 65 ta shunday o‘yindan iborat bo‘lgan va 2014 yilda ham bu seriyaga «Augsburg» chek qo‘ygandi.
Uzoq kutilgan Rur derbisi keskin kechdi, ammo u qadar tomoshabop bo‘lmadi. Birinchi bo‘limdagi eng xavfli vaziyat Bellingemning bosh bilan yo‘llagan zarbasi qaytarilishi bo‘ldi. Bundesligaga qaytgan «Shalke»da esa golli vaziyatlar bo‘lmadi.
Mehmonlar o‘yinning katta qismida himoyalanishdi, Dortmundning hujumdagi imkoniyatlari esa 32-daqiqada Roys jarohat olib, maydonni zambilda tark etgach pasaydi. Ammo baribir qora-sariqlar jamoasida gol uradigan futbolchi topildi va Volfning uzatmasidan keyin o‘yinga zaxiradan qo‘shilgan Mukoko g‘alaba golini urdi. U 17 yoshu 301 kunligida Rur derbisida gol urgan eng yosh futbolchiga aylandi, «Borussiya» esa prinsipial raqibiga qarshi qatorasiga to‘rt o‘yinda g‘alabaga erishib, o‘tgan asrning 60-yillaridan buyon eng yaxshi ko‘rsatkichini qayd etdi va turnir jadvalida vaqtincha peshqadamga aylanib oldi.
Kun statistikasi
Menhengladbahning «Borussiya» klubi hujumchisi Hofmann «Leypsig»ga qarshi o‘yinlarda oltinchi bor gol urdi. Bundesligada «ho‘kizlar» jamoasini faqat Levandovski (7 gol) undan ko‘proq ranjitgan.
«Borussiya» himoyachisi Hummels Rur derbilarida 10-bor g‘alabaga erishdi va ayni vaqtda dortmundliklar sport direktori bo‘lib ishlayotgan Mixael Tsorkning rekordini takrorladi.
APLda «Manchester Siti» safar o‘yinlarida qatorasiga 22-o‘yinni mag‘lubiyatsiz o‘tkazdi. Bu «shaharliklar»ning o‘z tarixidagi eng yaxshi natijasi va turnir tarixidagi eng yaxshi to‘rtinchi natija. «MYu»ning 2020-21 yillar mavsumidagi rekordiga yetti o‘yin qoldi.
35 yoshu 215 kunlik — «Valensiya» hujumchisi Kavani la ligada XXI asrda debyut qilgan eng tajribali futbolchiga aylandi.
«Manchester Siti» hujumchisi Holand agar hozirgi sur’atni saqlab qolsa, APLning joriy mavsumi yakunlariga ko‘ra 57 gol urishi mumkin.
