O‘zbekiston xorijga 46 ming tonna olxo‘ri sotdi

O‘zbekiston 2022 yil yanvar-avgust oylarida xorijga qiymati qariyb 22,6 mln AQSh dollariga teng bo‘lgan 46,7 ming tonna olxo‘ri eksport qilgan. 

Davlat statistika qo‘mitasi ma’lumotlariga ko‘ra, olxo‘ri eksporti o‘tgan yil mos davri bilan solishtirilganda qariyb 28,1 ming tonnaga oshgan.

2022 yil 8 oyida O‘zbekiston eng ko‘p olxo‘ri eksport qilgan davlatlar orasida Qozog‘iston birinchi o‘rinni egallab turibdi – 28,2 ming tonna.

Ushbu ko‘rsatkich qolgan davlatlar kesimida quyidagicha ko‘rinish oldi:

• Rossiya – 16,4 ming tonna;
• Qirg‘iziston – 1,9 ming tonna;
• Belarus – 102,2 tonna.

2022 yil 8 oyida xorijga eng ko‘p olxo‘ri eksport qilgan hududlar:

• Farg‘ona viloyati – 15,5 ming tonna;
• Surxondaryo viloyati – 6,7 ming tonna;
• Samarqand viloyati – 5,5 ming tonna.