AQSh davlat kotibi yordamchisi O‘zbekistonga tashrif buyuradi

AQSh davlat kotibining jamoatchilik bilan aloqalar va axborot siyosati bo‘yicha yordamchisi vazifasini bajaruvchi Elizabet Tryudo O‘zbekistonga tashrif buyuradi.

Foto: Henning Kaiser / dpa

AQSh tashqi siyosat idorasi matbuot xizmati xabariga ko‘ra, 28 sentabrdan 9 oktyabrgacha u Nepal, Birlashgan Arab Amirliklari va Qirg‘izistonga ham tashrif buyuradi.

O‘zbekistonga tashrifi chog‘ida Elizabet Tryudo Toshkentdagi Vebster universitetida «Ommaviy axborot vositalari mutaxassislari uchun ingliz tili» dasturining bitiruvchilari bilan suhbatlashadi.

Bundan tashqari, u mahalliy nodavlat notijorat tashkilotlari vakillari, AQSh hukumati tomonidan moliyalashtirilgan almashinuv dasturlari bitiruvchilari bilan uchrashishni va Jizzaxdagi ayollar shelteriga tashrif buyurishni rejalashtirmoqda.