Qurilishda texnik me’yorlash ilmiy-tadqiqot instituti tashkil etildi

Qurilishda texnik me’yorlash va standartlashtirish ilmiy-tadqiqot instituti tashkil etildi. Bu haqda Qurilish sohasida standartlashtirish respublika markazi bosh direktori Abulqosim Abduxoliqov ma’lum qildi.

Foto: Shutterstock

Qayd etilishicha, mazkur institut qurilish va shaharsozlik sohasida ilmiy-tadqiqotlar asosida texnik jihatidan tartibga solish, me’yorlash va standartlashtirish ishlarini olib boradi.

Milliy klassifikator va elektron katalogni yuritish, bino va inshootlarni axborot modellashtirish, ya’ni BIM-texnologiyalarini joriy etish kabi vazifalar ham shular jumlasidan.

Shuningdek, qurilish sohasida narxlarni shakllantirish va uning mexanizmlarini aniqlash masalalari bo‘yicha mazkur institut vakolatli davlat muassasasi hisoblanadi.