Rustam Minnixonov amaliy tashrif bilan O‘zbekistonga keldi

Tatariston rahbari matbuot xizmati xabariga ko‘ra, rejalar orasida korxonalarga tashrif buyurish, Jizzaxda Qozon federal universiteti filialini ochish, viloyat hokimlari bilan uchrashuvlar o‘tkazish ko‘zda tutilgan.

U bilan birga bir qator yirik korxonalar, shuningdek, respublika bilan hamkorlikni rivojlantirishdan manfaatdor kompaniyalar rahbarlari O‘zbekistonga keldi.

Eslatib o‘tamiz, joriy yilning 23 mart kuni Shavkat Mirziyoyev Tatariston prezidenti Rustam Minnixonov boshchiligidagi Rossiya Federatsiyasi delegatsiyasini qabul qilgan edi.

Bundan tashqari, 23 mart kuni Toshkent viloyatida Abdulla Aripov va Rustam Minnixonov Chirchiq texnoparkining ochilishida ishtirok etishdi.

Rustam Minnixonov O‘zbekistondagi tatar jamiyati vakillari bilan ham uchrashdi.