Toshkentdagi Olimpiya va paralimpiya shon-shuhrati muzeyida Oʻzbekiston sport delegatsiyalarini Aichi-Nagoya-2026 XX yozgi Osiyo va V Para Osiyo oʻyinlariga tantanali kuzatish marosimi tashkil etildi.
Marosimda bosh vazir Abdulla Aripov boʻlajak masʼuliyatli bahslarda sportchilarga omad va muvaffaqiyatlar tiladi.
Ogʻir atletika boʻyicha Tokio-2020 Olimpiadasi chempioni, Parij-2024 Olimpiadasi sovrindori Akbar Joʻrayev Olimpiya sport turlari nomidan Oʻzbekiston Respublikasi bayrogʻini qabul qilib oldi.
Para velosport boʻyicha jahon chempioni Marjona Pardaboyevaga esa Paralimpiya sport turlari nomidan Vatan bayrogʻi topshirildi.
Milliy olimpiya qoʻmitasi tadbirdan suratlarni taqdim etdi.
