SpaceX Ukrainada Starlink servisini moliyalashtirishdan bosh tortdi

Ilon Maskning SpaceX kompaniyasi Pentagondan Ukraina tomonidan Starlink sun’iy yo‘ldosh tizimidan hukumat va harbiy maqsadda foydalanishni moliyalashtirishni so‘ramoqda, deb xabar berdi Amerikaning CNN telekanali 14 oktyabr, juma kuni. Joriy yilning oxiriga kelib, ular, SpaceX ma’lumotlariga ko‘ra, 120 million dollardan oshadi. Keyingi 12 oy ichida Starlink xizmatlarining narxi taxminan 400 million dollarga baholanmoqda. «Biz Ukrainaga terminallarni kelgusida sovg‘a qilish yoki mavjud terminallarni noma’lum muddatga moliyalashtirish imkoniyatiga ega emasmiz» deya SpaceX’ning davlat sotuvlari bo‘yicha direktori tegishli maktubidan iqtibos keltirgan CNN.

SpaceX tomonidan Pentagonga yuborilgan va telekanal ixtiyorida bo‘lgan hujjatlar orasida iyul oyida Ukraina Qurolli kuchlari bosh qo‘mondoni Valeriy Zalujniy tomonidan Maskka jo‘natilgan so‘rov ham bor. Unda yana 8000 ga yaqin Starlink terminallarini taqdim etish so‘ralgan. SpaceX’ning sun’iy yo‘ldosh tizimini moliyalashtirishning imkoni yo‘qligi haqidagi maktubi, CNN ma’lumotlariga ko‘ra, UQK qarshi hujumi paytida Starlink ishida keng ko‘lamli uzilishlar bo‘yicha tarqalgan so‘nggi xabarlar fonida paydo bo‘ldi. 

Hozirgacha SpaceX Ukrainaga 20 000 ga yaqin Starlink terminallarini hadya qildi. Ilon Mask avvalroq operatsiya uning kompaniyasiga 80 million dollarga tushganini aytgan edi. Starlink terminallari yuqori tezlikdagi internetga sharoit mavjud bo‘lmagan joylarda kirishni ta’minlaydi va Ukraina armiyasiga artilleriya zarbalarini muvofiqlashtirish hamda dronlarni boshqarish imkonini beradi. 

Oktabr oyi boshida Ilon Mask Twitter’da Rossiyaning Ukrainaga qarshi urushidagi hozirgi vaziyat haqida o‘z fikrini bildirdi. Xususan, amerikalik milliarder keskinlikning qisqarishiga hissa qo‘shishi mumkin bo‘lgan qadamlarni sanadi: Ukraina sharqida Rossiya tomonidan bosib olingan hududlarda BMT nazorati ostida yangi saylov o‘tkazish, bunda aholining xohish-irodasi hisobga olinishi va natijalar ijobiy bo‘lsa, Rossiyaning u yerdan chiqib ketishi. Qrimning «1783 yildan beri, Xrushchyovning xatosidan oldin bo‘lgani kabi» Rossiya bir qismi sifatida tan olinishi. Qrimni chuchuk suv bilan kafolatlangan ta’minlash va Ukraina uchun neytral maqom. Keyinchalik Rossiya prezidenti Vladimir Putin bilan Ukraina yuzasidan muloqot qilgani haqida paydo bo‘lgan mish-mishlarni tadbirkor rad etdi.