10:24 / 11.11.2022
2398
Ўзбекистондан Саудия Арабистонига маҳсулотлар экспортини ошириш мўлжалланяпти

Ўзбекистоннинг Жидда шаҳридаги бош консули Нодир Турғуновнинг Макка шаҳридаги Golden Star компанияси бош директори Абдулмуъин Зурги билан учрашуви бўлиб ўтди, деб хабар қилмоқда “Дунё”.

Фото: Dunyo

Ўзбекистон маҳсулотлари экспорти ҳажмларини ошириш билан боғлиқ масалалар мулоқот асосий мавзуси бўлди. Учрашув чоғида Саудия Арабистонидаги фармацевтика заводларига хомашё етказиш доирасида Ўзбекистондан желатин маҳсулотлари экспорти масаласига алоҳида эътибор қаратилди.

Саудиялик тадбиркор Golden Star компанияси бош директори Абдулмуъин Зурги компания менежери Мажид Азиз Мухаммад Одех ҳамроҳлигида ноябрь ойи иккинчи ярмида Ўзбекистонга боришни режалаштираётганини маълум қилди.

Ташрифдан кўзланган асосий мақсад MMM Amin Bio компанияси томонидан желатин маҳсулотлари ишлаб чиқарилиши жараёнлари билан танишиш, экспорт ҳажми ва нархини келишиш ҳамда тегишли икки томонлама битимни имзолашдан иборат.

Top