O‘zbekistonda bir kun ichida uchinchi yer silkinishi qayd etildi

FVV Seysmoprognostik monitoring respublika markazi xabariga ko‘ra, 14 noyabr kuni O‘zbekiston hududida mahalliy vaqt bilan soat 15:42 da yer silkinishi sodir bo‘ldi. 

Episentr: Jizzax viloyati, Zarbdor tumani. Yer silkinishi koordinatalari: 40,24 gradus shimoliy kenglik; 68,31 gradus sharqiy uzunlik. Magnituda M=3,1. Chuqurlik 15 km. Yer silkinishi episentri Toshkentdan 137 km janubi-g‘arbda.

O‘zbekiston hududida sezilish kuchi:

• Sardoba tumanida 3 ball, 10 km;
• Zarbdor tumanida 3 ball, 16 km;
• Paxtakor tumanida 2-3 ball, 26 km;
• Oqoltin tumanida 2 ball, 32 km;
• Xovos tumanida 2 ball, 34 km.

Bugun, 14 noyabr kuni Tojikistonda sodir bo‘lgan zilzila kuchi Toshkent, Sirdaryo va Jizzax viloyatlarida sezilgandi.

Shuningdek, Qirg‘izistonda sodir bo‘lgan zilzila kuchi Andijonda sezildi.