Qarshi shahar prokuraturasining deputatni daxlsizlik huquqidan mahrum qilish haqidagi taqdimnomasi shahar kengashi tomonidan rad etildi

Ma’lum bo‘lishicha, Qarshi shahar prokuraturasi tomonidan 2022 yil 2 noyabr kuni xalq deputatlari Qarshi shahar kengashiga deputat Adham Parmonovni jinoiy javobgarlikka tortishga, ehtiyot chorasi tanlash va daxlsizlik huquqidan mahrum qilishga rozilik olish to‘g‘risida taqdimnomasi kiritilgan.

2022 yil 16 noyabr kuni xalq deputatlari Qarshi shahar kengashi shahar prokuraturasining taqdimnomasini ko‘rib chiqqan va u bo‘yicha qaror qabul qilgan.

Qarorda Qarshi shahar prokuraturasining deputat Adham Parmonovni javobgarlikka tortishga, ehtiyot chorasi tanlash va daxlsizlik huquqidan mahrum qilishga rozilik olish haqidagi taqdimnomasi rad etilgan. Qaror e-qaror.gov.uz portaliga joylangan.

«Qarshi shahar prokuraturasiga xalq deputatlari Qarshi shahar kengashi deputati Parmonov Adham Xolmurodovichni jinoiy javobgarlikka tortishga, ehtiyot chorasi tanlash va daxlsizlik huquqidan mahrum qilishga rozilik berilmasin», deyiladi qarorning uchinchi bandida.