Bosh prokuratura huzuridagi Departamentning Surxondaryo viloyati boshqarmasi tomonidan o‘tkazilgan tergovga qadar tekshiruvda «T.K.» MChJ ta’sischisi Sh.Sh. va boshqalarning noqonuniy harakatlari aniqlangan.
Tekshiruv ma’lumotlariga ko‘ra, ular tijorat banklaridan biri bilan I. MChJ o‘rtasida tuzilgan shartnoma asosida avvaldan garovda bo‘lgan bino-inshootlarga oid soxta hujjatlarni tayyorlab, ushbu mulkni takroran garov sifatida rasmiylashtirgan.
Natijada mazkur hujjatlar asosida Andijon viloyatidagi tijorat banklaridan biridan 25 milliard so‘m miqdorida mablag‘ ajratilishiga erishilgan va ushbu mablag‘lar talon-toroj qilingani aniqlangan.
Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilgan. Hozirda ish bo‘yicha tergov harakatlari davom etmoqda.
