Вазирлар Маҳкамасининг “Нурли маскан” ихтисослаштирилган мактаб-интернатларида махсус ўқув-ишлаб чиқариш корхонаси ташкил этиш тўғрисида”ги қарори лойиҳаси эълон қилинди.
Андижон вилоятидаги 16-сонли «Нурли маскан» мактаб-интернати бўш турган биносида кўзи ожиз ва заиф кўрувчи шахслар меҳнат қилиши учун тажриба-синов тариқасида махсус ўқув-ишлаб чиқариш корхонаси ташкил этилган.
Халқ таълими вазирлиги, Ички ишлар вазирлиги, Бандлик ва меҳнат муносабатлари вазирлиги ҳамда Қорақалпоғистон Вазирлар Кенгаши, вилоятлар ва Тошкент шаҳар ҳокимликларининг «Нурли маскан» ихтисослаштирилган мактаб-интернатларида махсус ўқув-ишлаб чиқариш корхонаси ташкил этиш тўғрисидаги таклифи маъқулланади.
Қорақалпоғистон халқ таълими вазирлиги, Тошкент шаҳар халқ таълими бош бошқармаси ҳамда вилоятлар халқ таълими бошқармалари «Нурли маскан» ихтисослаштирилган мактаб-интернатлари ҳудудидан махсус ўқув-ишлаб чиқариш корхонаси учун жой ажратишни таъминлайди.
Қорақалпоғистон Вазирлар Кенгаши, вилоятлар ҳамда Тошкент шаҳар ҳокимликлари:
2023 йил 1 мартга қадар ҳудуд инфратузилмасини инобатга олган ҳолда, «Нурли маскан» ихтисослаштирилган мактаб-интернатлари ўқувчилари имкониятидан келиб чиқиб, махсус ўқув-ишлаб чиқариш корхонасини ташкил этиш;
2023 йил 1 апрелдан бошлаб «Нурли маскан» ихтисослаштирилган мактаб-интернатлари ўқувчилари учун ўқув-ишлаб чиқариш корхонаси ишлаб чиқариш йўналишидан келиб чиқиб махсус амалий-ўқув дарсларини жорий этиш;
ўқув-ишлаб чиқариш корхонасини зарур ускуналар, махсус жиҳозлар, иш қуроллари ва анжомлар билан таъминлаш ҳамда ишлаб чиқариладиган товар ва хизматларни реализация қилишда амалий ёрдам кўрсатиш чораларини кўради.
