Vazirlar Mahkamasining 2026-yil 29-sentabrdagi 524-son qarori bilan texnikumlar huzurida spin-off korxonalarini taşkil etiş töğrisidagi nizom tasdiqlandi.

Bunday korxonalar yangi işlanmalar va startaplar asosida mahsulot işlab çiqariş yoki xizmat körsatişni yölga qöyadi. Jarayonga texnikum öquvçilari jalb etilib, ularning amaliy könikmalari va bandligini taʼminlaşga eʼtibor qaratiladi.

2026-yil yakuniga qadar Qoraqalpoğiston Respublikasi, viloyatlar va Toşkent şahrida kamida bittadan texnikum huzurida namunaviy spin-off korxonasini işga tuşiriş belgilangan. Nizom nodavlat kasbiy taʼlim taşkilotlariga tatbiq etilmaydi.

Korxona taşkil etiş taşabbusi bilan texnikumning özi, jismoniy yoki yuridik şaxslar çiqişi mumkin. Ariza Kasbiy taʼlim agentligining EMIS PT axborot tizimi orqali beriladi. Unga taʼsis hujjatlari, biznes-reja, texnik asos va moliyaviy hisob-kitoblar ilova qilinadi.

Arizalar maxsus komissiya tomonidan 10 kun içida körib çiqiladi. Zarur hollarda bu muddat yana beş kunga uzaytirilişi mumkin. Loyiha taqdimoti oçiq muhokama şaklida ötkaziladi.

Korxona davlat röyxatidan ötkazilganda uning ustav fondida texnikumning uluşi kamida 25 foiz bölişi şart. Davlat uluşini beş yil davomida xususiylaştiriş taqiqlanadi.

Startap loyihalarini amalga oşiriş uçun Kasbiy taʼlimni rivojlantiriş jamğarmasidan 1 mlrd sömgaça grant ajratiladi. Grant sörayotgan korxona mehnat jamoasida kamida bir nafar pedagog yoki işlab çiqariş taʼlimi ustasi işlayotganini tasdiqlaşi lozim. Şuningdek, texnikumning kamida beş nafar öquvçisi bilan dual taʼlim böyiça tuzilgan şartnomalar taqdim etiladi.

Loyihalar 100 ballik tizimda baholanadi:

Mezon

Maksimal ball

Innovatsionlik darajasi

30

Iqtisodiy samaradorlik

25