Bu haqda Milliy statistika qoʻmitasi maʼlum qildi.
Qoʻmita maʼlumotlariga koʻra, mamlakatda faoliyat yuritayotgan korxona va tashkilotlar soni 600 minglik koʻrsatkichdan oshgan.
Iqtisodiy faoliyat turlari boʻyicha eng koʻp korxona va tashkilot savdo sohasi hissasiga toʻgʻri kelmoqda. Ularning soni 164 481 tani tashkil etgan.
Qishloq, oʻrmon va baliqchilik xoʻjaligida 131 925 ta korxona va tashkilot faoliyat yuritmoqda.
Sanoat sohasida faoliyat koʻrsatayotgan korxonalar soni 63 861 tani tashkil etgan.
Yashash va ovqatlanish boʻyicha xizmatlar sohasida 33 966 ta, qurilishda esa 33 163 ta korxona va tashkilot faoliyat olib bormoqda.
Shuningdek, tashish va saqlash sohasida 18 894 ta, sogʻliqni saqlash va ijtimoiy xizmatlar koʻrsatishda 15 341 ta, axborot va aloqa sohasida 13 705 ta korxona va tashkilot faoliyat yuritmoqda.
Boshqa iqtisodiy faoliyat turlaridagi korxona va tashkilotlar soni 125 940 tani tashkil etgan.
Taqqoslash uchun, Milliy statistika qoʻmitasining 1-iyul holatiga maʼlumotida mamlakatda 596,9 mingta korxona va tashkilot faoliyat yuritayotgani qayd etilgan edi. Oʻsha paytda ham savdo sohasi 162 867 ta korxona bilan birinchi oʻrinni egallagan.
