O‘zbekistonda bu yilgi qish fasli izg‘irinli kunlar bilan boshlandi. Ana shunday sharoitda mamlakatdagi tibbiyot muassasalari faoliyatini muvofiqlashtirish uchun Sog‘liqni saqlash vazirligida uzluksiz ish olib boradigan shtab tashkil etildi.
Joriy yil 5 dekabr ertalabki soat 08:00 dan 6 dekabr kuni soat 08:00 gacha mazkur shtabga tez tibbiy yordam xizmati faoliyati bo‘yicha quyidagi ma’lumotlar kelib tushgan.
«103» xizmatida:
- 2 733 ta tibbiyot brigadasi faoliyat ko‘rsatdi.
- «Tez yordam»ga 37 336 ta chaqiriq kelib tushdi.
Eng ko‘p chaqiriqlar:
- Andijon viloyati – 4 491 ta
- Farg‘ona viloyati – 4 450 ta
- Namangan viloyati – 3 821 ta
- Toshkent shahri – 3 665 ta
- Toshkent viloyati – 3 178 ta
Yurtimiz bo‘yicha shifoxonaga yotqizilgan bemorlar soni:
- kattalar – 2 462 nafar;
- bolalar – 829 nafar.
2 568 nafar chaqaloq dunyoga keldi.
Koronavirus aniqlangan bemorlar:
- 18 yoshgacha – 31 nafar;
- kattalar – 89 nafar;
- jami – 120 nafar.
Shundan 79 nafari shifoxonaga yotqizildi.
Vazirlik tasarrufidagi barcha tibbiyot muassasalari o‘z faoliyatini uzluksiz davom ettirmoqda.
