O‘zbekiston olxo‘rini asosan Qozog‘istonga eksport qilyapti

O‘zbekiston 2022 yil yanvar-oktabr oylarida xorijga qiymati 23,4 mln AQSh dollariga teng bo‘lgan 48,3 ming tonna olxo‘ri eksport qilgan. 

Davlat statistika qo‘mitasi ma’lumotlariga ko‘ra, olxo‘ri eksporti o‘tgan yil mos davri bilan solishtirilganda qariyb 28,5 ming tonnaga oshgan.

2022 yilning 10 oyida O‘zbekiston eng ko‘p olxo‘ri eksport qilgan davlatlar orasida Qozog‘iston birinchi o‘rinni egalladi – 29 ming tonna.

Ushbu ko‘rsatkich qolgan davlatlar kesimida quyidagicha ko‘rinishga ega:

• Rossiya – 17,2 ming tonna;
• Qirg‘iziston – 2 ming tonna;
• Belarus – 102,2 tonna.

2022 yil 10 oyida xorijga eng ko‘p olxo‘ri eksport qilgan hududlar:

• Farg‘ona viloyati – 15,6 ming tonna;
• Surxondaryo viloyati – 6,9 ming tonna;
• Samarqand viloyati – 5 ming tonna.