Tashqi mehnat migratsiyasi agentligi tomonidan joriy yilning 22-23 noyabr kunlari xalqaro forum o‘tkazilgan. Davlat xaridlari portalida keltirilishicha, agentlik bu uchun davlat budjeti mablag‘laridan 2 mlrd 237 mln so‘m sarflagan.
Mazkur xalqaro forum uchun “Saipro Group” MChJ xizmat ko‘rsatgan. Shartnoma hujjatlariga ko‘ra, forumda bir kunlik tantanali kechki ovqatga bir kishi uchun 1 mln so‘m, jami 200 kishiga 200 mln so‘m ajratilgan.
Shuningdek, shartnomada 100 mln so‘m evaziga chet ellik ekspertlar jalb qilingani, 904 mln so‘m mablag‘ esa 2 ta chet el telekanalida material berishga sarflanganini ko‘rish mumkin.
Oldinroq Maktabgacha ta’lim vazirligi xalqaro konferensiya uchun 19,1 mlrd so‘m sarflagandi.
