Project C.U.R.E. O‘zbekiston ehtiyojlari uchun tibbiy buyumlar bilan yangi konteyner jo‘natadi

Tadbir doirasida O‘zbekiston tashqi ishlar vaziri Vladimir Norovning Project C.U.R.E. xayriya tashkiloti prezidenti Duglas Jyekson bilan uchrashuvi bo‘lib o‘tdi.

Muloqot chog‘ida navbatdagi gumanitar yuklarni O‘zbekistonga yetkazib berish va hamkorlikni kengaytirish masalalari muhokama qilindi. Project C.U.R.E. tomonidan Orolbo‘yi mintaqasidagi vaziyatni yaxshilashga qaratilgan chora-tadbirlarni qo‘llab-quvvatlash uchun AQShdan donorlarni jalb qilish bo‘yicha sa’y-harakatlarni davom ettirishga tayyor ekani ma’lum qilindi. «Moliyalashtirishni o‘rganayotgan ko‘ngillilarimiz navbatdagi gumanitar yordam konteynerlarini yetkazib berish uchun mablag‘ yig‘ishda davom etmoqda», dedi Duglas Jyekson.

Project C.U.R.E. rahbari bilan muzokaralar yakunida O‘zbekiston ehtiyojlari uchun tibbiy buyumlar bilan 1,5 million dollarlik yangi konteyner jo‘natishga kelishib olindi.

Ilgari Qoraqalpog‘istonga 3 million dollarlik tibbiy asbob-uskunalar va sog‘liqni saqlash buyumlari yetkazib berilgan edi. 2022 yil iyul oyida Qoraqalpog‘iston tibbiyot muassasalariga berilgan 2,9 ming dona tibbiy buyumlarni o‘z ichiga olgan umumiy og‘irligi 16,8 tonna bo‘lgan yana to‘rtta konteyner yetkazib berish tashkil etildi.