Soledarda Ukraina qöşini uçun tahdidli vaziyat yuzaga keldi. Asosiy ma’lumotlar

«Vagner» kuçlari Soledar şahri markazini egallaş uçun jang olib borayotgani haqida Amerikadagi Uruşlarni tadqiq etiş instituti (ISW) Ukrainadagi vaziyat böyiça har kungi hisobotida rossiyalik harbiy muxbirlarga asoslangan holda xabar qilgan. «9 yanvar kuni e’lon qilingan kadrlar Soledar şahri ma’muriyati atrofida öqotar qurollardan intensiv otişmalar ketayotganini körsatadi», — deya qayd etadi ISW. «Vagner» XHK yollanma jangçilari ma’muriyat binosi atrofida jang qilayotgani haqida 9 yanvar kuni uşbu kompaniya xöjayini Yevgeniy Prigojin ham ma’lum qilgandi.

ISW tomonidan keltirilgan ma’lumotlarga köra, Rossiya kuçlari Donetsk oblastidagi front çiziğida quruqlik orqali hujumga ötgan va Soledar hamda Baxmut atrofidagi hududlarda mustahkam örnaşgan. Rossiyalik harbiy blogerlarning xabarlariga köra, Soledardagi Ukraina qöşini «Artemsol» korxonasi va şahar şimoliy qismidagi köp qavatli uylar ustidan nazoratni saqlab qolmoqda.

Yevgeniy Prigojin 10 yanvar kuni «Soledarning ğarbiy çekkalarida oğir qonli janglar ketayotgani», ukrain armiyasi esa «mardonavor jang qilayotgani»ni aytib çiqdi. Öz navbatida, «DXR» rahbari Denis Puşilin Soledar «ozod etilişiga yaqin qolgani», ammo «bu juda qimmatga tuşayotgani»ni ma’lum qildi. Puşilin şuningdek janglar Soledarning ğarbiy qismiga köçganini — va «bu raqib çekinişi uçun hali yöl bölgan yagona yönaliş» ekanini aytdi. Prigojin Ukraina qurolli kuçlari jangçilari Soledardan yoppasiga qoçayotgani haqida tarqalgan xabarlar yolğon ekanini aytdi.

Ukraina qurolli kuçlari 9 yanvar kuni keçqurun «Vagner» kuçlari Soledarga «kuçli hujum» boşlagani haqida xabar berdi. Ukraina mudofaa vazirligi matbuot kotibi Anna Malyar Rossiya kuçlari şaharni egallaş uçun «muvaffaqiyatsiz uriniş»dan keyin qayta guruhlangani va «Vagner» XHKning «eng yaxşi zaxira kuçlari»dan taşkil topgan köplab şturm otryadlarini Soledar hududiga taşlagani haqida aytdi. Malyarning aytişiça, Rossiya «tom ma’noda öz askarlari jasadlari ustidan yurib, artilleriya, baravar öt oçiş tizimlari va minomyotlardan yoppasiga öt oçib, hatto öz askarlarini ham olov içida qoldirgança yuriş qilmoqda». Ukraina qurolli kuçlari Boş ştabi 10 yanvar kuni ukrain qöşini Soledarda Rossiya kuçlari hujumlarini qaytargani haqida ma’lum qildi (Boş ştabdagilar bundan oldingi ikki kunda ham şunday ma’lumot berişgandi).

Rossiya kuçlari Ukraina qurolli kuçlarining Soledardagi guruhlari ta’minot liniyalarini öqqa tutiş mumkin bölgan pozitsiyaga çiqqan va şu tufayli şaharda «tahdidli» vaziyat yuzaga kelgan. Bu haqda 9 yanvar kuni keçqurun Ukrainaning «Tsenzor.net» naşri boş muharriri Yuriy Butusov yozdi (u sönggi kunlarda şaharda edi). «Ruslar yölning öziga çiqa olmaydi. Bu töliq qurşov emas, ammo trassa böylab normal ta’minot amalga oşiriş imkonsiz, bu esa mudofaa uçun vaziyatni oğirlaştiradi. Ammo vaziyatni tuzatiş uçun hali imkoniyat bor», — degan Butusov.

Butusovning sözlariga köra, sönggi kunlarda Soledar himoyasidagi ukrain desantçilari rossiyaliklarning 20-30 metr masofagaça yaqin kelgan şturm guruhlari bilan jang qilmoqda. «Rossiya şturm guruhlari yaqin masofadagi kontakt janglarida birin-ketin yöq qilinmoqda, ammo ular jangga zaxira kuçlarini taşlab, hujum qilişda davom etmoqda», — degan u. Jurnalistning sözlariga köra, Ukraina qöşini harakatlarini muzlaş holati qiyinlaştirmoqda (havo harorati −18 darajagaça tuşgan).

Volodimir Zelenskiy Rossiya Soledar uçun janglarda katta yöqotişlarga uçrayotgani haqida aytdi. Ukraina prezidenti bu haqda uruşning 320-kuni yakunlariga bağişlangan videomurojaatida ma’lum qildi. Zelenskiy Soledarda «barçasi vayron bölgani, hayot deyarli qolmagani», «minglab» rossiyaliklar öldirilganini aytdi. U frontdagi «eng qaynoq nuqtalar» Donetsk va Luhansk oblastlarida ekanini ta’kidladi. Uning sözlariga köra, Soledarda ukrain harbiylari Rossiya kuçlarining «yangi va yanada qaqşatqiç şturmlarini töxtatib turibdi», buning evaziga Ukraina vaqtdan «yutib», qöşimça kuçlarni olib kelişga muvaffaq bölmoqda.

«Donbass uçun kuraş davom etmoqda. Hozir bosqinçilar eng katta kuçlarini Soledarga qaratgan bölsa-da, bu qiyin va uzoq davom etadigan jang natijasi baribir butun Donbassimizni ozod qiliş bilan tugaydi. Baxmutimizni himoya qilayotgan va maksimal matonat körsatayotgan barça jangçilarimizga minnatdorçilik bildiraman! Bosqinçilarning yangi va hatto qattiqroq hujumlariga doş bergan Soledardagi barça jangçilarga rahmat! Bu juda qiyin — u yerda deyarli birorta butun devor qolmagan. U yerda, Soledarda askarlarimizning qat’iyati tufayli biz Ukraina uçun qöşimça vaqt va qöşimça kuçlarga ega böldik. U yerda Rossiya nimani qölga kiritmoqçi? Hamma narsa butunlay vayron bölgan, hayot deyarli qolmagan. Ular minglab odamlaridan ayrilgan: Soledar yaqinidagi butun zamin bosqinçilarning jasadlari bilan töla va zarbalardan ilma-teşik bölgan. Jinnilik degani mana şunday böladi», — degan Zelenskiy. 

Kiyevdagilarning tasdiqlaşiça, «Vagnerçilar» saflaridagi katta yöqotişlar tufayli Soledarga Rossiya muntazam armiyasi bölinmalari yuborilgan. Bu haqda The New York Times naşriga anonimlik şarti bilan yuqori martabali ukrainalik harbiy mulozim xabar bergan. Uning sözlariga köra, rossiyalik yollanma jangçilar «mulohasizlik» bilan jang qilib, röparadan hujum qilmoqda, muntazam armiya askarlari esa jang maydonida manyovrlar amalga oşiradi. Yevgeniy Prigojin 9 yanvar kuni «Soledarni faqat xususiy harbiy kompaniya bölinmalari egallaşi»ni aytgan. Amerikadagi Uruşlarni tadqiq etiş instituti uning sözlariga izoh berib, Prigojin yollanma jangçilarning Soledardagi muvaffaqiyatlari haqidagi xabarlardan «Vagner»ning samarali jangovar kuç sifatidagi obrösini mustahkamlaşda foydalanayotganini bildirgan.