«Neçançi asrda yaşayapmiz?» – Toşkentni sarosimaga solayotgan qiş

Poytaxtda eskirib qolgan elektr simlari bosimni kötarolmay, yonib ketiş holatlari ham tez-tez kuzatilyapti. Şunday holatlarning bir neçtasini yiğib, Toşkent şahar hokimligi özining rasmiy Telegram-kanalida ham e’lon qilgan.

Videolarda Toşkent şahrining Yunusobod, Şayxontohur, Mirzo Uluğbek, Yaşnobod, Olmazor, Çilonzor, Sergeli va Uçtepa tumanlarining ayrim joylarida elektr toki yöqligi aytiladi.

Uyini isitolmayotgan aholi isinişning turli usullarini sinab körmoqda. Ular orasida köçada gulxan yoqib isinayotganlar ham bor.

Bloger Aqida Xanum uyida bir neça soatdan beri issiqlik tizimi işlamayotgani sabab, çelakda olov yoqişga majbur bölganini yozgan.

«Oxiri çidolmadim. Opam ikkimiz çiqib, çerdakdagi bolaligimizdan beri turadigan ötinlarni olib tuşib öçoqda yoqdik. Kulini tunuka çelakka solib, çelakning tagiga eramizdan avvalgi temir patnis solib, uning tagidan yoğoç yaşik qöyib, uyga olib kirdik», – deya yozadi u.

Jurnalist Aziza Qurbonova çaqaloği borligi sabab, uyiga kömirli peçka qurişga töğri kelganini aytadi.

«Uyga kömir peçka örnatdik. Taşqarida 21-asrning 23 yili davom etmoqda. Toşkent megapolisi Uçtepa distrikt», – deb yozadi u.

Jurnalist Tolib Rahmatov Toşkent şahridagi domlardan birida sovuqqotmasligi uçun körpalarga örab qöyilgan çaqaloqning suratini ulaşgan.

«Toşkentdagi ayrim domlarda yaşovçilar qahraton sovuqqa qarşi şunday kuraşmoqda», – deya izoh yozilgan unda.

Mirzo Uluğbek tumanida esa uy içidagi krandan oqayotgan suvning muzlab qolgani, istiqomatçilar çoy, ovqat qaynaşi uçun qöralardan foydalanayotgani aks etgan kadrlar tarqaldi.

Uyining sovuqligidan aziyat çekayotgan aholidan tahririyatga ham murojaatlar kelmoqda. Ulardan birida aytilişiça, Uçtepa tumani Al Xorazmiy dahasida joylaşgan 12 qavatli uylarda 13 yanvar kuni elektr ta’minoti uzilgan.

«3 kundan beri svet yöq. Uylarimizga gaz ötmagan, faqat elektr energiyasidan foydalanamiz. Svet yöqligidan uç kundirki qarindoşimiznikida yaşayapmiz. Bolalar yiğlab, uyga ketişni xohlab janjal qilişyapti», – deydi ayol.

Yana bir murojaatçi sovuqda çaqaloqlarni ovqatlantiriş qiyin bölayotganini aytmoqda.

«Qöşnilarimizda çaqaloqlar, yoş bolalar bor. Ayollar bolasiga sut tayyorlab beriş uçun termos kötarib, yaqin atrofdagi kafelardan qaynoq suv opkelişyapti. Keksalar hammasi kasal bölib ulgurişdi», – deydi u.

Sovuq ob-havodagi şaroitni satira qilganlar ham bor. Masalan, aktyor Muhammadiso Abdulxayirov sovuq sabab uy içida boş kiyim va qalin kiyimlarda ötirib, özini örta asrlarda yaşayotgan odamdek his qilayotganini aytadi.

«Sovuq ham Allohning ne’mati, bu ham bir kerakli narsa, yerga mazza, hammayoqda qor. Neçançi asrda yaşayotganimizni bilmay bir joyda ikkilanib qolaman. Uçinçi, beşinçi asrmi, neçançi asrda yaşaymiz özi? Sababi öşa paytlar ham şunaqa svet va gazsiz uylarda ötirilgan. Svet, gaz, men sizlarni sevaman.... Xalqning duosiga qolyapsizlar», – deya kinoya qiladi u.