Roskomnadzor The Bell saytini blokladi

Roskomnadzor Rossiyadan The Bell saytiga kirishni blokladi, bu kirish cheklovlarini tekshirish bo‘yicha idora servisi ma’lumotlaridan kelib chiqadi. Bu haqda 19 fevral, yakshanba kuni Rossiya OAV xabar berdi. Agentlik bloklashga nima asos bo‘lganini aniqlashtirmadi. The Bell jamoasi qayd etishicha, Rossiyada joylashgan foydalanuvchilar VPN'dan foydalangan holda saytga kirishlari mumkin.

2022 yil fevralida Rossiya harbiylarining Ukrainaga bostirib kirishi boshlanganidan beri Roskomnadzor Rossiyadagi minglab saytlarni, jumladan, ko‘plab mustaqil ommaviy axborot vositalarini bloklab qo‘ygan. Bundan tashqari, idora ommaviy axborot vositalaridan qo‘shni davlat bilan urushni «maxsus operatsiya» deb atashni talab qildi va 2022 yil mart oyida Rossiya armiyasini «obro‘sizlantirish» va u haqdagi «feyk»lar uchun jazo joriy etildi.

Shundan so‘ng, The Bell tahririyati maqolalar bo‘yicha jurnalistlarni jinoiy javobgarlikka tortish xavfi tufayli urushni yoritishni to‘xtatishga qaror qildi, ammo keyin buni davom ettirdi. O‘tgan yil davomida Rossiya Adliya vazirligi The Bell va uning asoschisi Yelizaveta Osetinskayani «xorijiy agentlar» ro‘yxatiga kiritdi.