Rossiyalik «harbiy muxbir» Tatarskiy Peterburgda portlatib yuborildi
Portlash «Vagner» XHK egasi Yevgeniy Prigojinga tegishli kafeda Vladlen Tatarskiy bilan uchrashuv bo‘lib o‘tayotgan vaqtda sodir bo‘lgan. Noma’lum qiz «harbiy muxbir»ga sovg‘a qilgan haykalchaga portlovchi moddalar o‘rnatilgan.

Vladlen Tatarskiy
2 aprel, yakshanba kuni Sankt-Peterburgdagi kafeda yuz bergan portlash natijasida taniqli rossiyalik «harbiy muxbir» Vladlen Tatarskiy halok bo‘ldi. Sankt-Peterburg bo‘yicha Ichki ishlar vazirligining bosh boshqarmasi ma’lumotlariga ko‘ra, 16 kishi jarohatlangan. Keyinroq Sankt-Peterburg gubernatori Aleksandr Beglov 25 kishi jarohatlanganini, ulardan 19 nafari kasalxonaga yotqizilganini aniqlashtirdi.
Sankt-Peterburgdagi «Fontanka» nashrining yozishicha, portlash sodir bo‘lgan kafe «Vagner» XHK egasi Yevgeniy Prigojinga tegishli. Muassasa faqat shanba va yakshanba kunlari ishlagan, u yerda «Kiber Z front» munozara klubining yig‘ilishlari bo‘lib o‘tgan va urush tarafdorlari Donbass, Ukraina hamda dunyoda sodir bo‘layotgan voqealarni muhokama qilish uchun yig‘ilgan. 2 aprel kuni bu yerda Tatarskiy bilan «ijodiy uchrashuv» bo‘lib o‘tdi. Siyosatshunos Konstantin Dolgovning aytishicha, qo‘lida bo‘lgan ma’lumotlarga ko‘ra, Yevgeniy Prigojinning uchrashuvga kelishi ehtimoli bo‘lgan.
OAV xabarlariga ko‘ra, trotil ekvivalentida 200 gramm bo‘lgan portlovchi modda noma’lum qiz tomonidan portlashdan biroz oldin harbiy muxbirga sovg‘a qilingan haykalchada bo‘lgan bo‘lishi mumkin. Politsiya uni qidirmoqda. Portlashdan birmuncha vaqt o‘tgach, Kseniya Sobchakning «Krovavaya barynya» Telegram-kanali hujumni ukrainalik ayol amalga oshirgan bo‘lishi mumkinligi haqida xabar berdi.
Rossiyaning boshqa Telegram-kanallari sodir bo‘lgan voqealarning yana bir nechta versiyalarini ko‘rib chiqmoqda, shu jumladan yangi, «mudofaa» bosqichiga o‘tayotgan urushning axborot ta’minotini «qayta o‘zgartirish»da yetarli darajada «tizimli» bo‘lmagan o‘yinchilarni «tozalash», «harbiy muxbir»ning kasbiy faoliyatidan norozi bo‘lganlardan birining qasosi, shuningdek, «o‘tmishdan salom», ya’ni Vladlen Tatarskiy harbiy harakatlarda qatnashgan paytdagi ishlari uchun javob.
Tavsiya etamiz
Chigirtkalar bosqini: Bu ham iqlim bilan bog‘liq muammomi?
O‘zbekiston | 15:49 / 14.05.2025
«Eng kambag‘al prezident» Xose Muxika vafot etdi
Jahon | 08:03 / 14.05.2025
Toshkentda yo‘l o‘rtasidagi birinchi tezyurar yo‘lak qurilishi boshlanadi
O‘zbekiston | 19:08 / 13.05.2025
1 iyundan O‘zbekiston va Xitoy o‘rtasida 30 kunlik vizasiz rejim kuchga kiradi
O‘zbekiston | 17:29 / 13.05.2025
So‘nggi yangiliklar
-
Bahor mavsumida qancha daraxt ko‘chatlari o‘tqazilgani aytildi
O‘zbekiston | 10:28
-
Turkiya Putin va Zelenskiy tayyor bo‘lsa, ularni qabul qilishga tayyor
Jahon | 10:26
-
Maktab o‘rniga “dom”, 167 jabrlanuvchi va aldanib ko‘r bo‘lib qolgan ayol. Toshkentda “novostroykachi”larga nisbatan yirik sud ishi boshlandi
Jamiyat | 09:41
-
Farg‘onada budjetdan ajratilgan subsidiya talon-toroj qilingani aniqlandi
Jamiyat | 09:40
Mavzuga oid

10:37 / 24.03.2025
Peterburgda migrantlarning kelib chiqishi va millatini aniqlaydigan kameralar o‘rnatiladi

12:26 / 22.02.2025
Peterburgdagi qurilish maydonida o‘zbekistonlik migrant halok bo‘ldi

15:39 / 19.11.2024
Peterburgda O‘zbekiston fuqarolari qonuniy tarzda ish bilan ta’minlanadi

07:47 / 23.08.2024