O‘zbekiston | 14:48 / 06.05.2023
20291
1 daqiqa o‘qiladi

Qashqadaryodagi «metan zapravkada» Nexia-2 portlab ketdi

Mashinaga gaz quyilayotganda uning balloni portlagan. Nexia-2 yaroqsiz holga kelgan, bir kishi jarohatlangan.

Foto: Ijtimoiy tarmoqlar

Viloyat Favqulodda vaziyatlar boshqarmasining xabar berishicha, hodisa bugun, 2023 yil 6 may kuni soat 09:30 larda Muborak tumani «Konchilar» MFY hududida joylashgan «Avtogaz» avtomobillarga gaz quyish shoxobchasida sodir bo‘lgan.

Nexia-2 mashinasining balloniga gaz quyish vaqtida portlash sodir bo‘lgan. Oqibatda mashina yaroqsiz holga kelgan. Hodisa joyida yong‘in sodir bo‘lmagan.

Mashina yaqinda bo‘lgan bir nafar fuqaro yengil darajada tan jarohati olgan va zudlikda tuman tibbiyot birlashmasiga yuborilgan.

Qayd etilishicha, hozirda, holat bo‘yicha tegishli soha vakillari tomonidan surishtiruv ishlari olib borilmoqda.

Mavzuga oid

E`lonlar