Samsung 26 iyulda yangi gadjetlari taqdimotini o‘tkazadi

Kompaniya bu safargi taqdimoti vaqtiga o‘zgartirish kiritdi. Samsung bungacha yangi gadjetlarining yozgi taqdimotini avgust oyida o‘tkazib kelayotgandi.

Foto: DH

Samsung kompaniyasi yangi gadjetlarining navbatdagi taqdimotini 26 iyulda o‘tkazadi. Bu haqda insayder Ice Univerce xabar berdi.

Qayd etilishicha, kompaniya Samsung Galaxy Z Fold5 buklanadigan smartfoni, Samsung Galaxy Tab S9 plansheti hamda Galaxy Watch6 aqlli soatini ommaga namoyish qiladi. Yangi qurilmalarning narxi haqida hozircha ma’lumot taqdim etilmagan.

Samsung yozgi yangiliklarini odatda avgust oyida namoyish etib kelardi. Bu gal kompaniya tadbirni bir muddat ertaroq o‘tkazishga qaror qilgani aytilmoqda.

Avvalroq kompaniya Z harfiga o‘xshab buklanadigan smartfonni ham taqdim etishi mumkinligi haqida xabar berilgandi.

#Samsung #gadjet

Kun.uz yangiliklarini Google News'da kuzating

+ Obuna bo'lish