Kramatorskka zarba oqibatlari va frontdagi rossiyalik merganlar. Urush suratlari

Ukrainadagi urushning 489-kuni o‘tdi. Asosiy ma’lumotlar:

• 27 iyun kuni kechqurun rossiyalik harbiylar Kramatorsk bo‘ylab raketa zarbasi yo‘lladi. Donetsk oblasti rahbari Pavel Kirilenkoga ko‘ra, raketalardan biri odamlar o‘tirgan restoranga kelib tushgan. 28 iyun kuni ertalabki ma’lumotlarga ko‘ra, hujum qurbonlari soni o‘n nafarni tashkil etmoqda, yana 61 kishi jabrlangan. 
• Putin Kremlda harbiylar va boshqa kuchishlatar tuzilmalar vakillari qarshisida chiqish qildi. U bu tuzilmalar amalda «fuqarolik urushini to‘xtatishgani»ni e’tirof etdi.
• Aleksandr Lukashenko Prigojin ayni vaqtda Belarusda ekanini ma’lum qildi.
• Rosgvardiya rahbari Viktor Zolotov o‘z tuzilmasida og‘ir qurollar va tanklar paydo bo‘lishini aytdi. Prigojinning isyoni yuzasidan izoh berarkan (isyon yakunlanganidan uch kun o‘tib), u «bu isyon G‘arb tomonidan yo‘lga solingani»ni aytdi.
• FXX Rossiyadagi qurolli isyon bo‘yicha ishni yopdi. RF mudofaa vazirligidagilar «Vagner» XHK harbiy texnikalari Rossiya armiyasiga o‘tkazilishini ma’lum qildi.
• Prigojinning isyoni vaqtida g‘arbdagi ittifoqchilar Ukrainadan «qayiqni chayqaltirmaslik» va Rossiya hududlariga zarba bermaslikni so‘ragan, demoqda CNN manbalari. Telekanal ma’lumotiga ko‘ra, Amerika razvedkasi Prigojinning rejasi tafsilotlaridan boxabar bo‘lishgan.

Kunning asosiy voqeasi. Kramatorsk bo‘ylab zarba

27 iyun kuni kechqurun Rossiya qo‘shini Kramatorsk shahrini «Iskander» rusumli ikkita raketa bilan o‘qqa tutdi, deya tasdiqlagan Ukraina bosh prokurori. Avvaliga zarba S-300 tizimining ikki raketasi bilan yo‘llangani aytilayotgandi, bu haqda, xususan Ukraina prezidenti Volodimir Zelenskiy ma’lum qilgan.

Asosiy zarba Kramatorsk markaziga berilgan: natijada Ria Pizza restorani vayron bo‘lgan, bu vaqtda bu yerda o‘nlab kishilar bor edi, zarbadan keyin hududda yong‘in boshlangan. Donetsk oblasti ma’muriyati rahbari Pavel Kirilenkoga ko‘ra, hujum oqibatida jami 18 ta ko‘p qavatli uy va 65 ta xususiy uy, beshta maktab, ikkita bolalar bog‘chasi, savdo markazi, mehmonxona va boshqa binolar shikastlangan. Ikkinchi raketa Kramatorsk tashqarisidagi Belenkoye qishlog‘iga kelib tushgan, prokuraturaning 27 iyun kuni berilgan ma’lumotiga ko‘ra, mahalliy aholi vakillaridan besh kishi jabrlangan.

Shaharga zarba oqibatida kamida o‘n kishi halok bo‘ldi. Bosh prokuror Andrey Kostinga ko‘ra, qurbonlar orasida — 14 yoshli opa-singillar hamda 17 yoshli yana bir qiz bor. Ukraina milliy politsiyasidagilar 61 kishi turli darajada tan jarohatlari olganini ma’lum qilgan. Jabrlanganlar orasida — 2022 yilda tug‘ilgan sakkiz oylik chaqaloq ham bor.

Frontdagi ukrain dronlari 

Ukrainalik zenitchilarning Kiyev atrofidagi pozitsiyasi

Volodimir Zelenskiy oldingi chiziqdagi shtabda

26 iyun kuni Donetsk oblastiga Ukraina prezidenti Volodimir Zelenskiy tashrif buyurdi. U Ukraina qurolli kuchlari qarshi hujumi ketayotgan Berdyansk yo‘nalishidagi shtabda bo‘lgan.

 Luhansk oblastidagi rossiyalik merganlar