Parijdagi qotillik ortidan Fransiya ko‘chalari olov ichida qoldi. Fotosuratlar

Parij chekkasidagi Nanterre rayonida kelib chiqishiga ko‘ra fransuz-jazoir bo‘lgan 17 yoshli o‘smir politsiyachi tomonidan o‘ldirilganidan keyin boshlangan tartibsizliklar butun Fransiya bo‘ylab tarqaldi. Namoyishchilar mashinalar va hukumat binolariga o‘t qo‘yishmoqda, shuningdek politsiyachilar bilan to‘qnashuvga kirishmoqda. 28 iyunga o‘tar kechasi 31 kishi, keyingi kun tunda — yana kamida 150 kishi qo‘lga olingan. Namoyishlarning uchinchi tuniga kelib qo‘lga olinganlar soni 255 nafarga yetdi. Fransiya prezidenti Emmanuel Makron tartibsizliklari ishtirokchilarining tomonidan qilinayotgan zo‘ravonliklarni «tushunarsiz va yo‘l qo‘yib bo‘lmaydigan» harakat deb atadi. Shu bilan bir vaqtda, u politsiyachi tomonidan sodir etilgan qotillikni «kechirilmas» deb atadi. O‘smirga o‘q uzgan politsiyachi hibsga olingan.