Ukraina Xalqaro valuta jamğarmasining (XVJ) kengaytirilgan moliyalaştiriş dasturi doirasida darhol taxminan 890 million dollar (818 million yevro) olişi mumkin. Bu haqda 29 iyun, payşanba kuni jamğarma saytida aytilgan.
«XVJ Ijroiya kengaşi bugun Ukraina uçun kengaytirilgan moliyalaştiriş dasturini (EFF) dastlabki tarzda körib çiqişni yakunladi. Körib çiqiş natijalari hukumatga zudlik bilan budjetni qöllab-quvvatlaşga yönaltiriladigan 890 million dollar miqdorida mablağ oliş imkonini beradi», - deyiladi XVJ bayonotida.
Jamğarmaning qayd etişiça, Ukraina rasmiylari «qiyin şaroitlarda» islohotlar böyiça majburiyatlarni bajarişda «katta muvaffaqiyatga erişgan». «Ukraina iqtisodiyoti asta-sekin tiklanmoqda, biroq xavflar nihoyatda yuqori va noaniqlik bor. 2022 yildagi keskin pasayişdan keyin iqtisodiy faollik kutilganidan köra barqarorroq bölib körindi, ösiş 2023 yilda içki miqyosda 1-3 foizga kötariladi. Inflatsiya sekinlaşmoqda, zaxiralar köpaymoqda, valuta bozori barqarorligiça qolmoqda», — deyiladi XVJ bayonotida.
Şu bilan birga, jamğarma jang maydonidagi vaziyatning rivojlanişi Ukraina uçun asosiy xavf omili bölib qolişi haqida ogohlantirdi.
Joriy yilning mart oyida XVJ Ukraina uçun jami 115 milliard dollarlik yordam paketining bir qismi bölgan 15,6 milliard dollarlik tört yillik moliyalaştiriş paketini tasdiqladi. Birinçi tranş 2,7 milliard dollarni taşkil etdi. Bu Ukraina uçun eng katta kredit böldi va XVJ tomonidan harbiy harakatlar olib borilayotgan mamlakat uçun birinçi marta tasdiqlangan.
