Pokiston va O‘zbekiston o‘rtasida multimodal yuk tashuvi rivojlantiriladi

O‘zbekiston transport vaziri Ilhom Mahkamov Pokistonning O‘zbekistondagi Favqulodda va muxtor elchisi Ahmad Faruq bilan uchrashdi. Tomonlar mamlakatlar o‘rtasida transport sohasidagi hamkorlik aloqalarini rivojlantirish masalalarini muhokama etdi.

Uchrashuvda, xususan, ikki mamlakat o‘rtasida yuk tashuvi hajmini oshirish maqsadida tomonlar Afg‘oniston hududi orqali multimodal tashuvni rivojlantirish zarurligi qayd etildi.

Shuningdek, Toshkent – Lahor yo‘nalishida muntazam aviaqatnovlarni qayta tiklash, «Termiz – Mozori-Sharif – Kobul – Peshovar» temiryo‘li qurilishi loyihasi yuzasidan fikr almashildi.