XVJ va OTB missiyasi O‘zbekiston soliq ma’muriyatchiligi holatini baholaydi

Soliq tizimini baholashda ma’lumotlar to‘g‘riligini maksimal darajada oshirish maqsadida joylarda soliq ma’muriyatchiligi holatini o‘rganish uchun ishchi missiyalar tashkil etiladi.

Foto: Iqtisodiyot va moliya vazirligi

Joriy yilning 10 iyul kuni O‘zbekiston iqtisodiyot va moliya vaziri o‘rinbosari Dilshod Sultonov Vinsent de Pol Kukpayzan boshchiligidagi Xalqaro valuta jamg‘armasi (XVJ) va Osiyo taraqqiyot banki (OTB) fiskal departamenti vakillari bilan uchrashdi.

Uchrashuvda O‘zbekiston soliq ma’muriyatini baholash bo‘yicha XVJ va OTB qo‘shma missiyasining asosiy yo‘nalishlari muhokama qilindi. Missiyaning asosiy maqsadi soliq ma’muriyati holatini diagnostik baholash bo‘lib, uning doirasida soliq ma’muriyati kuchli va zaif tomonlari, keyingi islohot va harakatlar ketma-ketligi dasturi aniqlanadi.

Soliq tizimini baholashda ma’lumotlar to‘g‘riligini maksimal darajada oshirish maqsadida joylarda soliq ma’muriyatchiligi holatini o‘rganish uchun ishchi missiyalar tashkil etish ham taklif qilindi.

Uchrashuv yakunida tomonlar missiya davomida yuzaga kelgan masalalarni o‘z vaqtida hal qilish uchun qo‘shimcha uchrashuvlar tashkil etishga kelishib oldi.

#soliq #XVJ