Karlos Alkaras Uimbldon turnirining 2023 yilgi g‘olibiga aylandi.
Jahonning birinchi raqamli raketkasi bo‘lib turgan ispaniyalik 20 yoshli tennischi Londondagi musobaqa finalida turnirning 7 karra g‘olibi Novak Jokovichni mag‘lub etishga erishdi. Hal qiluvchi bahsda Karlos dunyoning ikkinchi raqamli raketkasi bo‘lib turgan serbiyalik tennischidan besh setda – 1:6, 7:6 (8:6), 6:1, 3:6, 6:4 hisobida ustun keldi. Final 4 soat 43 daqiqa davom etdi.
Shu tariqa, Karlos Alkaras faoliyatida «Katta dubulg‘a» turkumidagi ikkinchi sovringa ega chiqdi. 20 yoshli tennischi o‘tgan yil AQSh Ochiq chempionatida ham g‘olib bo‘lgandi.